കോതമംഗലം: വടാട്ടുപാറയില്‍ വന്യമൃഗ ഭീഷണി നേരിടുന്ന ചക്കിമേട് നിവാസികളുടെ സുരക്ഷയെ കരുതി ആവോലിപ്പടി മുതല്‍ ചക്കിമേട് വരെയുള്ള റോഡിന്റെ ഇരുവശത്തെയും അടിക്കാടുകള്‍ വെട്ടിത്തെളിച്ചു. ചക്കിമേട് അന്പലം, പൊയ്ക അന്പലം, പൊയ്ക സ്‌കൂള്‍ തുടങ്ങി വിവിധ സ്ഥാപനങ്ങളിലേക്ക് കാല്‍നടയായും വാഹനത്തിലും നൂറുകണക്കിന് ആളുകളും കുട്ടികളും പോകുന്ന വഴിയാണ് ഉമ്മന്‍ചാണ്ടി പാലിയേറ്റീവ് ഫൗണ്ടേഷന്‍ വടാട്ടുപാറ മേഖല കമ്മിറ്റിയുടെ നേതൃത്വത്തില്‍ ചക്കിമേട് നിവാസികളും മാര്‍ത്തോമാ സിറ്റി ഓട്ടോത്തൊഴിലാളികളുടെയും സഹകരണത്തോടെ വെട്ടിത്തെളിച്ചത്.
ബ്ലോക്ക് പഞ്ചായത്ത് സ്ഥിരം സമിതി അധ്യക്ഷന്‍ ജെയിംസ് കോറന്‌പേല്‍, പഞ്ചായത്തംഗം രേഖ രാജു, ജോബി കാരാഞ്ചേരി, സാബു ജോസ്, എന്‍.ഒ. തങ്കച്ചന്‍, ബിജു ജോബി, ദീനു ബിജു, അജി, എന്‍.ഡി. സിജിമോന്‍, പി. കുഞ്ഞുമോന്‍, പി.ജെ. ബാബു, രാജമ്മ തങ്കപ്പന്‍, സജി വിജയന്‍, എസ്.എ. കര്‍ണന്‍ എന്നിവര്‍ നേതൃത്വം നല്‍കി.
