പോത്താനിക്കാട്: പോത്താനിക്കാട് വീടിന് തീവച്ച കേസിൽ പ്രതി അറസ്റ്റിൽ . പൈങ്ങോട്ടൂർ ആയങ്കര പറക്കാട്ട് വീട്ടിൽ ബേസിൽ ബെന്നി (22) യെയാണ് പോത്താനിക്കാട് പോലീസ് അറസ്റ്റ് ചെയ്തത്. തൃക്കേപ്പടി ഭാഗത്തുള്ള പോഞ്ചാലി ശിവന്റെ വീടിനാണ് തീയിട്ടത്. കഴിഞ്ഞ ദിവസമാണ് സംഭവം. വീടിന്റെ പൂട്ട് പൊളിച്ച് അകത്തു കയറി തീവയ്ക്കുകയായിരുന്നു.
പെൺകുട്ടിയെ ശല്യം ചെയ്തത് ചോദ്യം ചെയ്തതിലുള്ള വൈരാഗ്യമാണ് സംഭവത്തിന് പിന്നിൽ അന്വേഷണസംഘത്തിൽ പോത്താനിക്കാട് ഇൻസ്പെക്ടർ കെ എ ഷിബിൻ ,എസ് ഐ മാരായ റോജി ജോർജ്, ലിബു തോമസ്, കെ.ടി സാബു,എ എസ് ഐ മാരായ എം എസ് .മനോജ്, വി.സി സജി, സിപിഒ മാരായ കെ.എ നിയാസുദ്ദീൻ , വി.കെ സനൂപ്, ഷാനവാസ് തുടങ്ങിയവരാണ് ഉണ്ടായിരുന്നത്.
