പെരുമ്പാവൂർ: ടോറസ് ലോറി ബൈക്കിലിടിച്ച് യുവാവ് മരണപ്പെട്ടു. കുറുപ്പംപടി വായ്ക്കര മോടക്കൽ വീട്ടിൽ റിട്ട കെ.എസ്.ആർ.ടിസി ജീവനക്കാരൻ കെ.ഗോ പാലൻ്റെ മകൻ പ്രതീഷ് ഗോപാലൻ (36) ആണ് മരിച്ചത്. മുൻരായമംഗലം പഞ്ചായത്ത് മെമ്പറും റിട്ട: കൃഷി ഓഫീസറുമായ ശാന്താഗോപാലനാണ് മാതാവ്. മേയ്ക്കപ്പാല സ്വദേശിനി സൂര്യയാണ് ഭാര്യ. മകൾ: ദുർഗ്ഗ. ഇന്ന് രാത്രി 8 മണിയോടെയാണ് അപകടം ഉണ്ടായത്.
ടിപ്പർ ലോറി ഡ്രൈവറെ പോലീസ് കസ്റ്റഡിയിൽ എടുത്തു. പെരുമ്പാവൂരിൽ നിന്നും കാലടിയിലേക്ക് പോകുകയായിരുന്ന ടിപ്പർ ലോറി ഇടവഴിയിൽ നിന്നും മെയിൻ റോഡിലേക്ക് കടന്ന പ്രതീഷിൻ്റെ ബൈക്കിൽ ഇടിക്കുകയായിരുന്നു.. ടിപ്പർ ലോറിയുടെ ചക്രങ്ങൾ പ്രതീഷിൻ്റെ ശരീരത്തിലൂടെ കയറി ഇറങ്ങിയെന്ന് ദൃക്സാക്ഷികൾ പറയുന്നു. പ്രതീഷ് കടയിരുപ്പ് ശ്രീ നാരായണ ഗുരുകുലം എഞ്ചിനീയറിംഗ് കോളേജിലെ ജീവനക്കാരനാണ്.
