കോതമംഗലം : എൽ ഡി എഫ് സ്ഥാനാർത്ഥി ആൻ്റണി ജോൺ രാവിലെ ഇടവക ദൈവാലയമായ സെൻ്റ് ജോർജ് കത്തീഡ്രലിൽ ഓശാന ഞായർ തിരുകർമ്മങ്ങളിൽ പങ്കെടുത്ത ശേഷം
നെല്ലിക്കുഴിപഞ്ചായത്തിൻ്റെ ഹൃദയവായ്പ് ഏറ്റുവാങ്ങി നടത്തിയ പര്യടന പരിപാടി ശ്രദ്ധേയമായി.
നെല്ലിക്കുഴി സൗത്ത് ലോക്കൽപരിധിയിലെ കുറ്റിലഞ്ഞി സൊസൈറ്റി പടിയിലായിരുന്നു തുടക്കം. കോതമംഗലത്തെ ആദ്യത്തെ കമ്യുണിസ്റ്റ് എം.എൽ.എ. ആയിരുന്ന ടി.എം.മീതിയൻ്റെ ജന്മദേശത്ത് നടന്ന പര്യാടന സ്വീകരണസമ്മേളനം ഡി.വൈ.എഫ്.ഐ. സംസ്ഥാന പ്രസിഡൻ്റ് എസ്.സതീഷ് ഉൽഘാടനം ചെയ്തു. പി എം അബ്ദുൾ സലാം അധ്യക്ഷനായി . ആർ അനിൽ കുമാർ ,പി എൻ ബാലകൃഷ്ണൻ പി.എം.മജീദ്, അസീസ് റാവുത്തർ, കെ എം പരീത് , സഹിർ കോട്ടപറമ്പിൽ
റഷീദസലീം, എ ആർ വിനയൻ എം.എ.മുഹമ്മദ്, ശോഭവിനയൻ, പി കെ രാജേഷ് , ബാബു പോൾ എ ബി ശിവൻ , , എ.എ.അൻഷാദ്, പി എം പരീത് , എം ഐ കുര്യാക്കോസ് , എൻ സി ചെറിയാൻ , ഷാജി പീച്ചക്കര , ശശികുമാർ, കെ കെ ജിജേഷ് , എം.ജി.പ്രസാദ്, മനോജ് ഗോപി, ടി പി തമ്പാൻ ബേബി പൗലോസ് സലാം കാ വാട്ട് തുടങ്ങിയവർ പ്രസംഗിച്ചു.
വിവിധ മേഖലകളിൽ സ്ഥാനാർത്ഥിയെ ഹാരങ്ങളും പൂക്കളും പഴക്കുലകളും നൽകി സ്വീകരിച്ചു. പക്ഷാഘാതം ബാധിച്ച് കിടപ്പുരോഗിയായി കഴിയുന്ന പൂവ്വത്തൂരിലെ കുരുപ്പാക്കൽ ശ്രീധരൻ താനടക്കമുള്ള ദുരിതബാധിതരായ ജനങ്ങളെകരുതലോടെ സംരക്ഷിച്ച സർക്കാരിൻ്റെയും മുന്നണിയുടെയും പ്രതിനിധിയായ ആൻ്റണിയെ സ്വീകരിക്കാനെത്തിയത് ആവേശകാഴ്ചയായി. സർക്കാർ നൽകുന്ന പെൻഷനും ഭക്ഷണ കിറ്റും ,മരുന്നുമാണു ഏക പ്രതീക്ഷയെന്ന് ശ്രീധരൻ പറയുമ്പോൾ ഉപകാര സ്മരണയിൽ കണ്ണ് നറഞ്ഞിരുന്നു
ചെറുവട്ടൂർപാറേപീടികയിൽ മുസ്ലീംലീഗിൽ നിന്നും രാജിവച്ച് സി.പി.ഐ.എമ്മിനൊപ്പം ചേർന്ന അഡ്വ.വി.ഇ.നാസറും സഹപ്രവർത്തകരും നിരവധികൊച്ചുകുട്ടികളും സ്ഥാനാർത്ഥിയെ ഹാരമണിയിച്ചതും സെൽഫി യെടുക്കാൻ അണിനിരന്നതും സ്വീകരണത്തിന് മാറ്റുകൂട്ടി.
ചെറുവട്ടൂർ കോളനിപ്പടിയിൽ നട്ടുച്ചനേരത്തും തങ്ങളുടെ ക്ഷേമനായകനായ സാരഥിയെ കാണാൻ വീട്ടമ്മമാരുടെ വലിയ നിരയുണ്ടായിരുന്നു.
5 കോടിയുടെ ഹൈടെക് സ്കൂൾ വികസനം യാഥാർത്ഥ്യമായ ചെറുവട്ടൂർ കവലയിലും തുടർന്നുള്ള കക്ഷായിപ്പടിയിലും ഓലി തൈക്കാവ് കാഞ്ഞിരക്കാട്ട്മോളം പ്രദേശങ്ങളിലും ഉജ്വലമായ വരവേൽപ്പായിരുന്നു ലഭിച്ചത്. ഫർണീച്ചർ സ്ഥാപനങ്ങൾ കേന്ദ്രീകരിച്ച നെല്ലിക്കുഴി കമ്പനിപ്പടിയിൽ വ്യാപാരികളും തൊഴിലാളികളും യുവാക്കളും ചേർന്ന് ഗംഭീര സ്വീകരണമാണ് നൽകിയത്. ഇടയ്ക്ക് ചെയ്ത മഴയിലും ആവേശവും ആരവവും നിലക്കാതെഇരുമലപ്പടി,
പഞ്ചായത്ത്പടി, നെല്ലിക്കുഴി കവല, കനാൽപാലം, അയ്യൂട്ടിപ്പടി, ചിറപ്പടി എന്നിവടങ്ങളിലടക്കം ലഭിച്ച സ്വീകരണങ്ങൾക്കുശേഷം പൂമറ്റംകവലയിലായിരുന്നു സമാപന പൊതുസമ്മേളനം.
