കോതമംഗലം: കൊച്ചി-ധനുഷ് കേടി ദേശീയപാതയില്‍ നെല്ലിമറ്റത്ത് കര്‍ തല കീഴ്മറിഞ്ഞു.
കൊച്ചി-ധനുഷ് കോടി ദേശീയപാതയില്‍ നെല്ലിമറ്റം സ്‌കൂള്‍പടിക്ക് സമീപം പുലര്‍ച്ചെയായിരുന്നു അപകടം.
സ്ത്രീകളും കൊച്ച് കുട്ടിയുമടക്കം കൊച്ചി സ്വദേശികളായ അഞ്ചംഗ സംഘം മൂന്നാറിലേക്കുള്ള യാത്രയിലാണ് അപകടത്തില്‍ പെട്ടത്.കാര്‍ നിയന്ത്രണം വിട്ട് സമീപത്തെ ആക്രി വണ്ടിയും തകര്‍ത്ത് തലകീഴായ് മറിയുകയായിരുന്നു. കാറില്‍ ഉണ്ടായിരുന്ന യാത്രക്കാര്‍ അല്‍ഭുതകരമായി രക്ഷപെട്ടു. ശബ്ദം കേട്ട് ഓടിക്കൂടിയ നാട്ടുകാരാണ് രക്ഷപ്രവര്‍ത്തനങ്ങള്‍ നടത്തി കറില്‍ ഉണ്ടായിരുന്നവരെ പുറത്തെടുത്തത്.അപകടത്തില്‍ ആര്‍ക്കും കാര്യമായ പരിക്കില്ല.
ഊന്നുകല്‍ പോലീസ് സ്ഥലതെത്തി മേല്‍ നടപടികള്‍ സ്വീകരിച്ചു . കോതമംഗലം നേര്വമംഗലം റൂട്ടില്‍ ദേശീയപാതയില്‍ കഴിഞ്ഞ ആറ് മാസത്തിനിടയില്‍ പത്തോളം ജീവനുകളാണ് വിവിധ വാഹനാപകടങ്ങളില്‍ പൊലിഞ്ഞത് .ഈ സാഹചര്യത്തില്‍ അപകടങ്ങള്‍ ഒഴിവാക്കുവാന്‍ അധികൃതര്‍ വേണ്ട നടപടികള്‍ സ്വീകരിക്കണമെന്ന് നാട്ടുകാര്‍ ആവശ്യപ്പെട്ടു.
