കോതമംഗലം : എൻ ഡി എ സ്ഥാനാർഥി ഷൈൻ കെ കൃഷ്ണൻ വ്യാഴാഴ്ച്ച നെല്ലിക്കുഴി പഞ്ചായത്തിലേ ആറാം വാർഡിൽ നിന്നും പര്യടനത്തിന് തുടക്കം കുറിച്ചു. തുടർന്ന് പല്ലാരിമംഗലം പഞ്ചായത്തിലെ മാവുടിയിലെ വ്യാപാര സ്ഥാപനങ്ങൾ സന്ദർശിച്ച് വോട്ട് അഭ്യർഥിച്ചു.തുടർന്ന് അടിവാട് കവലയിലെത്തി മുഴുവൻ വ്യാപാര സ്ഥാപനങ്ങളിലും. ഓട്ടോ റിക്ഷാ തൊഴിലാളികളോടും വിവിധ തൊഴിലാളി യൂണിയൻ പ്രവർത്തകരോടും സ്ഥാനാർഥി വോട്ട് അഭ്യർത്ഥിച്ചു. മുത്തശ്ശിമാരും അമ്മമാരു സഹോദരിമാരും ഉൾപ്പെടെയുള്ള വോട്ടർമാർ സ്ഥാനാർഥിക്കു ആശംസകൾ നേർന്നു. സ്‌കൂൾ വിദ്യാർഥി വിദ്യർഥിനികളും സ്ഥാനാർത്ഥിക്ക് ഹൃദയപൂർവ്വം നമസ്തേ പറഞ്ഞു. അമൃതാനന്ദമയി കുടുമ്പ സദസ്സിന്റെ നേതൃത്വം വഹിക്കുന്ന സരിതാസ് നാരായണൻ നായരുടെ വീട്ടിലെത്തി അനുഗ്രഹം നേടി.
യാത്രക്കിടയിൽ നിരവധി പൗര പ്രമുഖരുടെ വീടുകളിലെത്തി അവരുടെ ആശംസകൾ ഏറ്റു വാങ്ങി. മുൻസിപ്പൽ മേഖലയിൽ ബിജെപി ഓഫിസിലുംമറ്റു ഭാഗങ്ങളിലും ചേർന്ന കൺവെൻഷനുകളിലും സ്ഥാനാർഥിയും മറ്റു നേതാക്കളും പങ്കെടുത്തു. യാത്രയിലുടനീളം മനോജ് ഇഞ്ചൂർ, പി എ സോമൻ, എം കെ ചന്ദ്രബോസ്, അശ്വിൻ അശോക്, അജേഷ് തട്ടേക്കാട് കെ ആർ രഞ്ജിത്ത്, അനിൽ ഞാളൂമഠം, അനന്ദു സജ്ജീവൻ, വിജയൻ മാവുടി, സുഭാഷ് കറുകടം എന്നിവരും ഉണ്ടായിരുന്നു.
