കോതമംഗലം എംബിറ്റ്സ് എഞ്ചിനീയറിംഗ് കോളേജിൽ മൂന്ന് ദിവസമായി സംഘടിപ്പിച്ചിരുന്ന അന്താരാഷ്ട്ര വെബിനാർ സമാപിച്ചു. എഞ്ചിനീയർമാരെ സംരംഭകരാക്കി മാറ്റുന്നതെങ്ങനെ എന്ന വിഷയത്തെക്കുറിച്ചുള്ള വെബിനാർ കോളേജിലെ സംരംഭകത്വ വികസന സെൽ, സംസ്ഥാന സർക്കാരിന്റെ സ്റ്റാർട്ടപ്പ് മിഷൻ, വിക്രം സാരാഭായി സ്പേസ് റിസർച്ച് സെൻറെർ എന്നിവയുടെ സഹകരണത്തോടെയാണ് സംഘടിപ്പിച്ചത്. ജിയോജിത് മാനേജിങ് ഡയറക്ടർ സി. ജെ ജോർജ് വിബിനറിന്റെ ഉത്ഘാടനം നിർവഹിച്ചു.
ഐ.ഐ.എസ്.സി ബാംഗ്ലൂർ റിട്ടയേർഡ് പ്രൊഫസർ ഡോ. കെ പി ജെ റെഡ്ഡി, വിക്രം സാരാഭായി സ്പേസ് റിസർച്ച് സെൻറെർ ഡയറക്ടർ ഡോ. എസ്. സോമനാഥ്, ഐ.സി.ടി അക്കാദമി ഓഫ് കേരളാ സി.ഇ.ഓ. സന്തോഷ് കുറുപ്പ്, റിയാഫി ടെക്നോളോജിസ് കോ- ഫൗണ്ടർ ജോൺ മാത്യു, എൻ.ഐ.ടി. വാറങ്കൽ പ്രൊഫസർ പ്രൊഫ. കെ.വി. ജയകുമാർ, കേരളാ സ്റ്റാർട്ടപ്പ് മിഷൻ സി.ഇ.ഓ. ഡോ. സജി ഗോപിനാഥ്, തെലങ്കാന അക്കാദമി ഓഫ് സ്കിൽ ആൻഡ് നോളേജ് സീനിയർ പ്രോഗ്രാം മാനേജർ ശ്രുതി ഗദ്ദം എന്നിവർ ക്ലാസുകൾ നയിച്ചു. ഹൈദരാബാദ് സെൻറെർ ഫോർ അപ്പ്ലിറ്റ് റിസേർച് ഡയറക്ടർ ഡോ. വി. ബർല വെബിനറിന്റെ പാനൽ ലീഡും, എംബിറ്റ്സ് പ്രിൻസിപ്പൽ ഡോ. പി. സോജൻ ലാൽ മോഡറേറ്ററും ആയിരുന്നു.
