കുട്ടമ്പുഴ : വാഹനാപകടത്തില്‍ ബൈക്ക് യാത്രികന്‍ മരണപ്പെട്ടു. തട്ടേക്കാട് പക്ഷിസങ്കേതത്തിലെ വാച്ചറും പക്ഷി നിരീക്ഷകനുമായിരുന്ന കൊട്ടിശ്ശേരിക്കുടി കെ.എം.മാണി(49)യാണ് മരിച്ചത്. സത്രപ്പടിയിൽ മക്കപുഴ കോളനിക്ക് സമീപം കെ.എസ്.ആർ.റ്റി.സി ബസ്സും ബൈക്കും തമ്മിൽ തിങ്കളാഴ്ച്ച രാത്രിയിൽ കൂട്ടിയിടിക്കുകയായിരുന്നു. കോതമംഗലത്തുനിന്നും പിണവൂർകുടിയിലേക്ക് പോകുകയായിരുന്ന കെ.എസ് ആർ.ട്ടി റ്റി.സ്സി ബസും, എതിർ ദിശയിൽ നിന്നും വന്ന തട്ടേക്കാട് പക്ഷിസങ്കേതത്തിലെ വാച്ചറായ കെ.എം മാണി ഓടിച്ച ബൈക്കുമാണ് അപകടത്തിൽപ്പെട്ടത്.
പരിക്കേറ്റ വാച്ചറെ കുട്ടമ്പുഴ പോലീസും നാട്ടുകാരും ചേർന്ന് കോതമംഗലത്തെ സ്വകാര്യ ആശുപത്രിയിൽ പ്രവേശിപ്പിക്കുകയും തുടർന്ന് വിദഗ്ധ ചികിത്സക്കായി തൃശൂർ മെഡിക്കൽ കോളേജിലേക്ക് മാറ്റുകയുമായിരുന്നു. തലക്കേറ്റ പരിക്ക് ഗുരുതരമായതിനെത്തുടർന്ന് മരണം സംഭവിക്കുകയായിരുന്നു. സംസ്കാര ചടങ്ങുകൾ നാളെ ബുധനാഴ്ച്ച തട്ടേക്കാട് സൈന്റ്റ് മേരീസ് പള്ളിയിൽ.
