കുട്ടമ്പുഴ : നിരവധി കേസുകളിൽ ഉൾപ്പെട്ടയാളെ കുട്ടമ്പുഴ പൊലീസിന് ലഭിച്ച രഹസ്യ വിവരത്തെത്തുടർന്ന് പിടികൂടി. കുട്ടമ്പുഴ പിണവൂർകുടി പുത്തൻവീട്ടിൽ കരുണാകരൻ മകൻ കിരൺ (30) നെയാണ് പോലീസ് പിടികൂടിയത്. കഴിഞ്ഞ ക്രിസ്തുമസ് ദിവസം കുട്ടമ്പുഴ പിണവൂർകുടിയിലെ ഒരു വീട്ടിൽ അതിക്രമിച്ചു കയറി ആക്രമണം നടത്തുകയും, ആ വീട്ടിലെ പെൺകുട്ടിയെ തല്ലി പരിക്കേൽപ്പിക്കുകയും കൈ കടിച്ചു മുറിക്കുകയും ചെയ്‌തു. തുടർന്ന് ഒളിവിൽ പോയ കിരണിന് വേണ്ടി അന്വേഷണം പുരോഗമിക്കുമ്പോളാണ് പ്രതിയെ കുറിച്ച് പോലീസിന് ലഭിച്ച രഹസ്യ വിവരത്തിന്റെ അടിസ്ഥാനത്തിൽ കുട്ടമ്പുഴ സി.ഐ മഹേഷ് കുമാറിന്റെ നിർദ്ദേശ പ്രകാരം ജിഎഎസ്ഐ മുഹമ്മദ് കുഞ്ഞു, സി.പി.ഓ ജയൻ തുടങ്ങിയവരുടെ നേത്രത്വത്തിൽ രാജകുമാരി കടുക്കാസിറ്റിയിൽ നിന്നും കിരണിനെ പിടികൂടിയത്.
കുട്ടമ്പുഴ പോലീസ് സ്റ്റേഷനിൽ 12 യോളം കേസുകളും, മുവാറ്റുപുഴ പോലീസ് സ്റ്റേഷനിൽ പൊലീസുകാരെ ആക്രമിച്ച കേസുകൾ ഉൾപ്പെടെ നിരവധി ക്രിമിനൽ കേസുകളിലെ പ്രതിയാണ് അറസ്റ്റിലായ കിരൺ. പ്രതിയെ 308 വകുപ്പ് പ്രകാരം കേസ് എടുത്ത് അറസ്റ്റ് രേഖപ്പെടുത്തി കോടതിയിൽ ഹാജരാക്കി റിമാൻഡ് ചെയ്‌തു.
