ഇളംപ്ലാശേരി കോളനിയിൽ പൂർത്തീകരിച്ച വിവിധ പദ്ധതികൾ ഉദ്ഘാടനം ചെയ്തു.

കോതമംഗലം: അംബേദ്കർ സെറ്റിൽമെൻ്റ് സമഗ്ര വികസന പദ്ധതിയിൽ ഉൾപ്പെടുത്തി 1 കോടി രൂപയുടെ വികസന പ്രവർത്തനങ്ങൾ ആവിഷ്കരിച്ച് നടപ്പിലാക്കുന്ന കുട്ടമ്പുഴ പഞ്ചായത്തിലെ ഇളംപ്ലാശേരി കോളനിയിൽ പൂർത്തിയായ പദ്ധതികളിൽ ഈറ്റ, മുള ഉൽപ്പന്ന നിർമ്മാണ യൂണീറ്റ് കെട്ടിടം,സാമൂഹ്യ പഠനമുറി എന്നിവയുടെ ഉദ്ഘാടനം നടത്തി. പഞ്ചായത്ത് പ്രസിഡൻ്റ് കാന്തി വെള്ളക്കയ്യൻ അധ്യക്ഷത വഹിച്ച ചടങ്ങിൽ ആൻ്റണി ജോൺ എം എൽ എ വിവിധ പദ്ധതികൾ ഉദ്ഘാടനം ചെയ്തു. ജില്ലാ പഞ്ചായത്ത് മെമ്പർ കെ കെ ദാനി,ബ്ലോക്ക് പഞ്ചായത്ത് മെമ്പർ കെ കെ ഗോപി,വാർഡ് മെമ്പർ ശ്രീജ ബിജു,ട്രൈബൽ ഡെവലപ്മെൻ്റ് ഓഫീസർ ജി അനിൽ കുമാർ,റ്റി ഇ ഒ നാരായണൻകുട്ടി ആർ,ഊരുമൂപ്പൻ മൈക്കിൾ മൈക്കിൾ,കാണിക്കാരൻ രാജപ്പൻ മാത്തി എന്നിവർ ചടങ്ങിൽ പങ്കെടുത്തു.