കോതമംഗലം: കോട്ടപ്പടി പഞ്ചായത്തിൽ പ്രവർത്തിക്കുന്ന സെൻ്റ് ജോൺസ് സ്പെഷ്യൽ സ്കൂളിൻ്റെ നവീകരിച്ച ഓഡിറ്റോറിയം ഉദ്ഘാടനം ചെയ്തു. ആൻ്റണി ജോൺ എംഎൽഎ ഓഡിറ്റോറിയത്തിൻ്റെ ഉദ്ഘാടനം നിർവ്വഹിച്ചു. ധർമ്മഗിരി സെൻ്റ് ജോസഫ് പ്രൊവിൻസിൻ്റെ പ്രൊവിൻഷ്യൽ സുപ്പീരിയർ റവ: ഡോക്ടർ സിസ്റ്റർ ലിസ് മരിയ എം എസ് ജെ അധ്യക്ഷത വഹിച്ചു. റവ:ഫാദർ പടിഞ്ഞാറേക്കുറ്റ് അനുഗ്രഹപ്രഭാഷണം നടത്തി.
ചടങ്ങിൽ പഞ്ചായത്ത് പ്രസിഡൻ്റ് മിനി ഗോപി, വാർഡ് മെമ്പർ നിധിൻ മോഹനൻ,സ്കൂൾ പ്രിൻസിപ്പാൾ സിസ്റ്റർ ശ്രുതി ജോസ്,ലോക്കൽ മാനേജർ സിസ്റ്റർ മരിയാൻസ്,പി റ്റി എ പ്രസിഡൻ്റ് അഭിലാഷ് മുരളി എന്നിവർ പങ്കെടുത്തു. ചടങ്ങിൽ കുട്ടികളുടെ വിവിധ കലാപരിപാടികൾ ഉണ്ടായിരുന്നു.
