ഊന്നുകൽ: ആവോലിച്ചാൽ തടിക്കുളം – ഊന്നുകൽ റോഡിൽ വച്ച് ആവോലിച്ചാൽ സ്വദേശിയുടെ ഇൻഡിക്ക കാർ ഓട്ടത്തിനിടയിൽ പൂർണ്ണമായി കത്തിനശിച്ചു. പിതാവിനെ ആശുപത്രിയിലേക്ക് കൊണ്ടു പോകും വഴി തടിക്കുളത്ത് വച്ച് എഞ്ചിന്റെ ഭാഗത്ത് നിന്ന് അമിതമായി പുകവരുന്നതു കണ്ടപ്പോൾ വാഹനം നിർത്തി പിതാവിനെ വാഹനത്തിൽ നിന്ന് പെട്ടെന്ന് ഇറക്കുകയും യുവാവ് ഓടി മാറുകയും ചെയ്തു.
ക്ഷണനേരം കൊണ്ട് കാർ പൂർണ്ണമായി കത്തിക്കരിയുകയായിരുന്നു. കോതമംഗലം ഫയർഫോഴ്സ് ഉം ഊന്നുകൾ പൊലിസും ചേർന്ന് തീയണച്ചു. ഷോർട്ട് സർക്യുട്ടകാം അപകടത്തിന് കാരണമെന്ന് കരുതുന്നതായി പറയപ്പെടുന്നു.
