കോതമംഗലം: കാസര്കോട് നടക്കുന്ന കേരള പോലീസ് ഓഫീസേഴ്സ് അസോസിയേഷന്റെ 36-ാമത് സംസ്ഥാന സമ്മേളനത്തിന് മുന്നോടിയായി എറണാകുളം റൂറല് ജില്ലാ സമ്മേളനം കോതമംഗലത്ത് സംഘടിപ്പിച്ചു. സാംസ്കാരിക സമ്മേളനം ആന്റണി ജോണ് എംഎല്എ ഉദ്ഘാടനം ചെയ്തു. സ്വാഗതസംഘം ചെയര്മാന് അനില് കുമാര് കെ.കെ. അധ്യക്ഷത വഹിച്ചു. സിനിമാതാരം ഇന്ദ്രന്സ് വിശിഷ്ടാതിഥിയായി. സിനിമാതാരവും, സാമൂഹ്യ പ്രവര്ത്തകയുമായ ഗായത്രി വര്ഷ മുഖ്യപ്രഭാഷണം നടത്തി.
എഴുത്തുകാരന് സനീഷ് വാരനാട്, KPA സംസ്ഥാന കമ്മിറ്റി വൈസ് പ്രസിഡന്റ് റെജിമോള് എസ്,മുനിസിപ്പല് കൗണ്സിലര് ഗീത ജയകുമാര്,ഡിവൈഎസ്പി എന്.സി ഉമേഷ് ജെ, പുത്തന്കുരിശ് ഡിവൈഎസ്പി നിഷാദ്മോന് വി.എ, ഡിവൈഎസ്പി എസ്എസ് ബി
സജി മര്ക്കോസ്, KPOA സംസ്ഥാന നിര്വ്വാഹക സമിതി അംഗം ബെന്നി കുര്യാക്കോസ്, KPA എറണാകുളം റൂറല് പ്രസിഡന്റ് ഇ. ആര്. ആത്മന് തുടങ്ങിയവര് ആശംസകള് അറിയിച്ചു.
KPOA എറണാകുളം റൂറല് ജില്ലാ സെക്രട്ടറി എം. വി. സനില് സ്വാഗതവും സ്വാഗതസംഘം ജനറല് കണ്വീനര് വിനാസ് പി. കെ. കൃതജ്ഞതയും രേഖപ്പെടുത്തി.
