ഇഞ്ചിപ്പാറയില്‍ ഇടിമിന്നലേറ്റ് വീട് ഭാഗികമായി തകര്‍ന്നു

കോതമംഗലം: കവളങ്ങാട് ഇഞ്ചിപ്പാറയില്‍ ഇടിമിന്നലേറ്റ് വീട് ഭാഗികമായി തകര്‍ന്നു. ഗൃഹനാഥനും മാതാവിനും പരിക്ക്. ഇഞ്ചിപ്പാറ മോളത്തുകുടി വര്‍ഗീസിന്റെ വീടാണ് ഇടിമിന്നലേറ്റു ഭാഗികമായി തകര്‍ന്നത്. വര്‍ഗീസിനും മാതാവ് അന്നമ്മയ്ക്കും നിസാര പരിക്കേറ്റു. ഇവര്‍ താലൂക്കു ആശുപത്രിയില്‍ ചികിത്സ തേടി.

മിന്നലില്‍ വീടിന്റെ അടുക്കള ഭാഗത്തെ ഭിത്തിയുടെ സിമന്റെ ഇഷ്ടികകള്‍ തെറിച്ചുപോയി. വീടിന്റെ മുന്‍വശത്തെ കോണ്‍ക്രീറ്റ് തൂണ്‍ ഭാഗികമായി തകര്‍ന്നു. വൈദ്യുതിബന്ധവും തകരാറിലായി. വീടിന് ബലക്ഷയവും ഉണ്ടായിട്ടുണ്ട്.