പെരുമ്പാവൂരിലെ പ്ലൈവുഡ് കമ്പനിയില്‍ തീപിടുത്തം

പെരുമ്പാവൂര്‍: പെരുമ്പാവൂര്‍ കൂവപ്പടിയില്‍ പ്ലൈവുഡ് കമ്പനിയില്‍ തീപിടുത്തം. എസ്‌കെഎം കമ്പനിയിലാണ് രാവിലെ ആറോടെ തീപടര്‍ന്നത്. അഗ്‌നിശമന സേനയുടെ 6 യൂണിറ്റുകള്‍ ഒരു മണിക്കൂര്‍ നീണ്ട പരിശ്രമത്തിനൊടുവിലാണ് തീ നിയന്ത്രണവിധേയമാക്കിയത്. അപകട സമയം ഫാക്ടറിയില്‍ തൊഴിലാളികള്‍ ഇല്ലാതിരുന്നതിനാല്‍ വന്‍ അപകടം ഒഴിവായി. നാലു ദിവസം മുമ്പ് പെരുമ്പാവൂരിലെ മറ്റൊരു പ്ലൈവുഡ് ഫാക്ടറിയിലും തീപിടിത്തമുണ്ടായിരുന്നു.