മാറാടി : എൽസ്റ്റൺ എബ്രഹാം പബ്ലിക് ലൈബ്രറി . ഒരു നാടിന് മുഴുവൻ പ്രിയങ്കരനായിരുന്ന ആ യുവാവിന് വേണ്ടി ഉചിതമായ അനുസ്മരണമൊരുക്കാൻ ആ നാട് മുന്നിട്ടിറങ്ങുകയായിരുന്നു. ജൂൺ 2നാണ് എൽസ്റ്റൻ്റെ ഓർമ്മ ദിവസം. അന്നാണ് വായനശാലയുടെ ഉദ്ഘാടനം നടന്നത്.സൗത്ത് മാറാടിയിലെ SN ഓഡിറ്റോറിയത്തിൽ വെച്ച് വൈകിട്ട് 4 മണിക്ക്
ദീപാ നിശാന്ത് ഉദ്ഘാടനം ചെയ്തു.
അഭി. ഡോ. മാത്യൂസ് മോർ അന്തീമോസ് മെത്രാപ്പോലിത്ത അനുസ്മരണ പ്രഭാഷണം നടത്തി.മാറാടിയിലെ റിട്ടേർഡ് അധ്യാപകർ ചേർന്ന് ദീപം തെളിയിച്ചു.
മാറാടി ഗ്രാമപഞ്ചായത്ത്‌ പ്രസിഡന്റ് ശ്രീ. O.P.ബേബി, A. P. വർക്കി മിഷൻ ഹോസ്പിറ്റൽ ചെയർമാൻ ശ്രീ. P. R. മുരളീധരൻ, മാറാടി പഞ്ചായത്ത്‌ അംഗങ്ങളായ ഷൈനി മുരളി, ജെയ്‌സ് ജോൺ, ലൈബ്രറി രക്ഷാദികാരികളായ M. P. ലാൽ, M. N. മുരളി, എൽസ്റ്റൺ ന്റെ സഹധർമ്മിണി ലിന്റാ, പിതാവ് ശ്രീ.T. V. അവിരാച്ചൻ, കനിവ് പാലിയേറ്റിവ് സെക്രട്ടറി K. S. മുരളി,തുടങ്ങിയർ പങ്കെടുത്തു. ജോയിന്റ് സെക്രട്ടറി Adv. ബിനി ഷൈമോൻ അധ്യക്ഷതയും വഹിച്ചു.
സെക്രട്ടറി എൽദോസ് സാബു നന്ദി പറഞ്ഞു.ഒരു വലിയ പ്രതിസന്ധിഘട്ടത്തിലൂടെ നാട് കടന്നു പോയ സമയത്ത് കോവിഡ് പ്രതിരോധപ്രവർത്തനങ്ങളിൽ മുന്നിൽ നിന്ന് പ്രവർത്തിച്ച വ്യക്തി കൂടിയായിരുന്നു എൽസ്റ്റൺ എബ്രഹാം .കോവിഡ് രോഗികളെ ആശുപത്രിയിലെത്തിക്കാനും മരുന്നു വാങ്ങിക്കൊടുക്കാനും രോഗം ബാധിച്ച് മരിച്ച മനുഷ്യരെ സംസ്കരിക്കാനും അയാൾ മുന്നിലുണ്ടായിരുന്നു.
കഴിഞ്ഞ ജൂൺ 2ന് വീട്ടിൽ കുഴഞ്ഞു വീണ് മരിക്കുമ്പോൾ അയാളുടെ വിവാഹം കഴിഞ്ഞ് ഒരു മാസം പോലും തികഞ്ഞിരുന്നില്ല. വലിയ ഒരു നഷ്ടമാണ് എസ്റ്റണിന്റെ കുടുംബത്തിന് ഉണ്ടായിരുന്നത്.
