കോതമംഗലം: മുഖ്യമന്ത്രിയുടെ ദുരിതാശ്വാസ നിധിയിലേക്ക് വേട്ടാമ്പാറയിൽ നിന്നും നിരവധിയായ സഹായ ഹസ്തങ്ങൾ കൊച്ചു കുട്ടികൾ മുതൽ വന്ദ്യവയോധികർ വരെ ദുരിതാശ്വാസ നിധിയിലേക്ക് സംഭാവനകൾ കൈമാറി. ജന്മനാ തന്നെ ഇരുകാലുകൾക്കും വൈകല്യമുള്ള വേട്ടാമ്പാറ സ്വദേശിയും, കീരംപാറ സെൻ്റ് സ്റ്റീഫൻസ് സ്കൂളിലെ 8-)0 ക്ലാസ്സ് വിദ്യാർത്ഥിയുമായ ആദിത്യൻ പ്രകാശ് തനിക്ക് കിട്ടിയ വിഷു കൈനീട്ടം 1001 രൂപ മുഖ്യമന്ത്രിയുടെ ദുരിതാശ്വാസ നിധിയിലേക്കായി ആന്റണി ജോൺ എംഎൽഎയ്ക്ക് കൈമാറി.
സെൻ്റ് സ്റ്റീഫൻസ് ബെസ് അനിയ സ്കൂളിലെ 5-)0 ക്ലാസ്സ് വിദ്യാർത്ഥിയായ ജോസഫ് ജോർജ് കൊട്ടാരത്തിൽ തൻ്റെ കാശുക്കുടുക്കയിലെ സമ്പാദ്യമായ 1000 രൂപ,റ്റി വൈ ദാവീദ്(തങ്കച്ചൻ) താമരുകുടി വേട്ടാമ്പാറ തൻ്റെ ക്ഷേമ പെൻഷൻ 1200 രൂപ,ഫോറസ്റ്റ് ആൻ്റ് ജനറൽ വർക്കേഴ്സ് യൂണിയൻ വേട്ടാമ്പാറ 2000/- രൂപ,തൊഴിലുറപ്പ് തൊഴിലാളി യൂണിയൻ വേട്ടാമ്പാറ 1000/- രൂപ,ചെത്ത് തൊഴിലാളിയായ എൻ എൻ രാജു നമ്പ്യാളിൽ വേട്ടാമ്പാറ 2500/- രൂപ,വേട്ടാമ്പാറ സ്വദേശി യു കെ യിൽ ജോലി ചെയ്തു വരുന്ന രോഹൻ 5000/- രൂപ എന്നിവരാണ് മുഖ്യമന്ത്രിയുടെ ദുരിതാശ്വാസ നിധിയിലേക്കുള്ള തുക ആന്റണി ജോൺ എംഎൽഎയ്ക്ക് കൈമാറിയത്.
