കോതമംഗലം :കോതമംഗല- വടാട്ടുപാറ റോഡിൽ ഭൂതത്താന്കെട്ടിൽ മ്ലാവ് വട്ടം ചാടി സ്കൂട്ടർ യാത്രക്കാരന് പരിക്ക്. വടാട്ടുപാറ സ്വദേശി കുന്നേൽ സന്തോഷിനാണ് പരിക്കേറ്റത്. ജോലി കഴിഞ്ഞ് കോതമംഗലത്ത് നിന്ന് വീട്ടിലേക്ക് സ്കൂട്ടറിൽ യാത്ര ചെയ്യുമ്പോൾ തുണ്ടം ഫോറസ്റ്റ് സ്റ്റേഷൻ്റെ മുന്നിൽ വച്ചാണ് മ്ളാവ് വട്ടം ചാടിയത്. സന്ധ്യ സമയത്ത് അപ്രതീക്ഷിതമായാണ് മ്ളാവ് വട്ടംചാടിയത്. മ്ളാവ് ശക്തിയോടെ സ്കൂട്ടറിൽ വന്നിടിച്ചപ്പോൾ നിയന്ത്രണം വിട്ട് സ്കൂട്ടർ മറിഞ്ഞാണ് കൈകാലുകൾക്ക് പരിക്കേറ്റത്. ഭാഗ്യം കൊണ്ടാണ് വലിയ പരിക്കേൽക്കാതെ രക്ഷപെട്ടതെന്ന് സന്തോഷ് പറഞ്ഞു.
തുണ്ടം ഫോറസ്റ്റ് ഓഫീസിലെ ഉദ്യോഗസ്ഥരും നാട്ടുകാരും ചേർന്നാണ് പരിക്കേറ്റ സന്തോഷിനെ ആശുപത്രിയിലെത്തിച്ചത്. കന്നുകാലികൾ അടക്കമുള്ള മൃഗങ്ങൾ റോഡിനു കുറുകെ ച്ചാടി നിരവധി അപകടങ്ങളാണ് ഈ റോഡിൽ ഉണ്ടാകുന്നത്. ജോലി കഴിഞ്ഞ് വരുമ്പോൾ അപ്രതീക്ഷിതമായി മ്ലാവ് വട്ടം ചാടുകയായിരുന്നുവെന്ന് പരിക്കേറ്റ സന്തോഷ് പറഞ്ഞു.
