കോതമംഗലം : പരിശുദ്ധ യൽദോ മാർ ബസേലിയോസ് ബാവ മലങ്കരയുടെ മണ്ണിൽ ആദ്യ വിശുദ്ധ കുർബ്ബാന അർപ്പിച്ച മൂന്നാർ പള്ളിവാസലിലെ അള്ളാകോവിലിൽ നിന്നും കോതമംഗലത്തെക്കുള്ള പരിശുദ്ധ ബാവയുടെ ഛായാ ചിത്ര ഘോഷയാത്ര സമാപിച്ചു. വൈകിട്ട് തങ്കളം ജംഗ്ഷനിൽ ഏലിയാസ് മാർ യൂലിയോസ്‌ മെത്രാപോലിത്ത, ആന്റണി ജോൺ എം. എൽ. എ, ജില്ല പഞ്ചായത്ത്‌ മെമ്പർ റാണികുട്ടി ജോർജ്, മുൻസിപ്പൽ കൗൺസിലർ എ. ജി. ജോർജ്, നെല്ലിക്കുഴി പഞ്ചായത്ത്‌ പ്രസിഡന്റ്‌ കെ. പി. മജീദ്, വ്യാപാരി വ്യവസായി പ്രസിഡന്റ്‌ എൽദോസ് ചേലാട്ട്, ഫാ. ബേസിൽ കൊറ്റിക്കൽ, ചെറിയ പള്ളി വികാരി ഫാ. ജോസ് പരത്തുവയലിൽ, സഹ വികാരി മാരായ ഫാ. ജോസ് തചെത്ത് കുടി, ഫാ എലിയാസ് പൂമറ്റത്തിൽ, ഫാ. ബിജോ കാവട്ട്, ഫാ. ബേസിൽ ഇട്ടിയാനിക്കൽ, ട്രസ്റ്റിമാരായ സി ഐ. ബേബി, ബിനോയ്‌ മണ്ണൻ ചേരിൽ, ജോമോൻ പാലക്കാടൻ, പി. വി. പൗലോസ്, ബേബി ആഞ്ഞിലിവേലിൽ, മാനേജിങ് കമ്മിറ്റി അംഗങ്ങൾ, ഭക്ത സംഘടന പ്രവർത്തകർ എന്നിവർ പങ്കെടുത്തു. കന്നി 20 പെരുന്നാളിന് തുടക്കം കുറിച് നാളെ വൈകിട്ട് 5 മണിക്ക് വികാരി ഫാ. ജോസ് പരത്തുവയലിൽ കൊടി ഉയർത്തുന്നതോട് കൂടി 337-മത് ഓർമ പെരുന്നാളിന് തുടക്കമാകും.

കോതമംഗലം : എൻഎസ്എസ് ദിനത്തോടനുബന്ധിച്ച്കോതമംഗലം മാർ ബേസിൽ ഹയർ സെക്കൻഡറി സ്കൂളിൽ നാഷണൽ സർവീസ് സ്കീമിന്റെ ഈ വർഷത്തെ പ്രോജക്ടായ ‘ Freedom Wall ‘ അനാച്ഛാദനം കോതമംഗലം എംഎൽഎ ശ്രീ ആന്റണി ജോൺ നിർവഹിച്ചു.

എൻഎസ്എസ് വോളണ്ടിയർമാരായ ജേക്കബ്ബും അർജുനുമാണ് വിദ്യാലയ ഭിത്തിയിൽ ഗാന്ധിജിയുടെ മിഴി വാർന്ന ചിത്രം വരച്ചത്. സ്കൂൾ പ്രിൻസിപ്പാൾ ഫാദർ പി ഒ പൗലോസ് , ഹെഡ്മിസ്ട്രസ് സോമി പി മാത്യു ,വാർഡ് കൗൺസിലർ റിൻസ് റോയ് , പിടിഎ പ്രസിഡൻറ് പി കെ സോമൻ , തോമസ് മാത്യു , എൻഎസ്എസ് കോ ഓർഡിനേറ്റർ ലിറ്റി മത്തായി എന്നിവർ സംബന്ധിച്ചു.

കോതമംഗലം : പോപ്പുലർ ഫ്രണ്ട് ഓഫ് ഇന്ത്യ കോതമംഗലത്ത് ഹർത്താലിനോട് അനുബന്ധിച്ച് പ്രതിഷേധ പ്രകടനം നടത്തി. പോപ്പുലർ ഫ്രണ്ട് നേതാക്കളെ NIA അറസ്റ്റ് ചെയ്തതിൽ പ്രതിഷേധിച്ച് പോപ്പുലർ ഫ്രണ്ട് ഇന്ന് സംസ്ഥാനത്ത് പ്രഖ്യാപിച്ച ഹർത്താൽ കോതമംഗലത്ത് പൂർണമായിരുന്നു.

KSRTC ബസുകൾ ചിലത് ഓടിയെങ്കിലും സ്വകാര്യ ബസുകൾ നിരത്തിലിറങ്ങിയില്ല. കടകമ്പോളങ്ങൾ അടഞ്ഞുകിടന്നു. ഹർത്താലിനോടനുബന്ധിച്ച് നടന്ന പ്രകടനം താലൂക്ക് ആശുപത്രിക്ക് മുന്നിൽ നിന്ന് ആരംഭിച്ച് പോസ്റ്റ് ഓഫീസ് ജംഗ്ഷൻ സമാപിച്ചു.