കോതമംഗലം: കോതമംഗലം മുനിസിപ്പാലിറ്റിയിൽ മലയിൻകീഴ് മദർ തെരേസ റോഡിൽ വാടകയ്ക്ക് താമസിക്കുന്ന നിർധന കുടുംബത്തിലെ വിദ്യാർത്ഥികൾക്ക് ആന്റണി ജോൺ എംഎൽഎയുടെ ഇടപെടൽ മൂലം ടെലിവിഷൻ ലഭ്യമായി. കോതമംഗലം സെന്റ് അഗസ്റ്റ്യൻസ് ഗേൾസ് സ്കൂളിലെ എട്ടാം ക്ലാസ് വിദ്യാർത്ഥിനിയും,സഹോദരൻ സെന്റ് ജോർജ് സ്കൂളിലെ അഞ്ചാം ക്ലാസ് വിദ്യാർത്ഥിയുള്ള കുടുംബത്തിലേക്കാണ് ടെലിവിഷൻ കൈമാറിയത്. എംഎൽഎയുടെ അഭ്യർത്ഥന പ്രകാരം കോതമംഗലം നഗരസഭയിൽ നിന്നും റിട്ടയർ ചെയ്ത സി പി ഗോപിയാണ് ടെലിവിഷൻ വാങ്ങി നൽകിയത്. കെ എസ് കെ ടി യു മുനിസിപ്പൽ വില്ലേജ് സെക്രട്ടറി കൂടിയായ ഇദ്ദേഹം തന്റെ റിട്ടയർമെന്റ് ആഘോഷ പരിപാടികൾ ഒഴിവാക്കിയാണ് ഈ സൽപ്രവർത്തി ചെയ്തത്.ചടങ്ങിൽ മുൻ മുൻസിപ്പൽ കൗൺസിലർ സി പി എസ് ബാലൻ,സജി മാടവന തുടങ്ങിയവർ സംബന്ധിച്ചു.
