കോതമംഗലം: കൊച്ചി – ധനുഷ്‌കോടി ദേശീയപാതയില്‍ നെല്ലിമറ്റം ടൗണില്‍ തടി കയറ്റിവന്ന ലോറി മറിഞ്ഞു. ഇന്നലെ പുലര്‍ച്ചെ 2.30 ഓടെയായിരുന്നു അപകടം. അടിമാലിയില്‍ നിന്നും പെരുന്പാവൂര്‍ ഭാഗത്തേക്ക് യൂക്കാലി തടികളുമായി പോവുകയായിരുന്ന ലോറിയാണ് അപകടത്തില്‍പ്പെട്ടത്.
ഹൈവേ നിര്‍മാണം പുരോഗമിക്കുന്നതിന്റെ ഭാഗമായി നെല്ലിമറ്റം ടൗണില്‍ കലുങ്ക് നിര്‍മാണം നടത്തുന്ന ഭാഗത്ത് റോഡിന്റെ വീതി കൂട്ടാനായി മെറ്റല്‍ നിറച്ച് ഒതുക്കിയിട്ടിരുന്നതിലൂടെ ലോറി കടന്നുപോയപ്പോള്‍ പിന്‍ചക്രങ്ങള്‍ താഴുകയും തുടര്‍ന്ന് മറിയുകയുമായിരുന്നു. റോഡില്‍ ഏറെ നേരം ഗതാഗതവും സ്തംഭിച്ചു. അടിമാലി സ്വദേശിയുടെ ലോറിയാണ് അപകടത്തില്‍പ്പെട്ടത്.
