കോതമംഗലം: പൊതുവിദ്യാഭ്യാസ വകുപ്പിന്റെയും സമഗ്രശിക്ഷാ കേരളയുടെയും നേതൃത്വത്തിൽ കോതമംഗലത്ത്അവധിക്കാല അധ്യാപക സംഗമം നടത്തി. പൊതുവിദ്യാഭ്യാസ വകുപ്പിന്റെയും സമഗ്രശിക്ഷാ കേരളയുടെയും നേതൃത്വത്തിൽ 2024-25 വർഷത്തെ അവധിക്കാല അധ്യാപക സംഗമം കോതമംഗലം ബി ആർ സി യുടെ കീഴിൽ മാർ ബേസിൽ ഹയർ സെക്കൻഡറി സ്കൂളിൽ തുടക്കം കുറിച്ചു’ കോതമംഗലം വിദ്യാഭ്യാസ ജില്ല ഓഫീസർ മധുസൂദനൻ റ്റി.വി.
ഉദ്ഘാടനംചെയ്തു.
ഉപജില്ല വിദ്യാഭ്യാസ ഓഫീസർ മനോശാന്തി കെ അധ്യക്ഷത വഹിച്ചു. മാർ ബേസിൽ ഹയർ സെക്കൻഡറി പ്രിൻസിപ്പാൾ ഫാദർ പി.ഒ.പൗലോസ്, ഹെഡ്മിസ്ട്രസ് ബിന്ദു വർഗീസ്, പ്രെമറി എച്ച് എം ഫോറം സെക്രട്ടറി വിൻസൻ്റ് ജോസഫ്, ബ്ലോക്ക് പ്രോജക്ട് കോഡിനേറ്റർ എൽദോ പോൾ, ഷിൽസ് എബ്രഹാം എന്നിവർ സംസാരിച്ചു.ഒന്നു മുതൽ 10 വരെ ക്ലാസുകളിൽ 16 ബാച്ചുകൾ ആയി 700 ഓളം അധ്യാപകരാണ് പരിശീലനത്തിൽ പങ്കെടുക്കുന്നത്.
