CHUTTUVATTOM
വൃദ്ധ-ഭിന്നശേഷി സൗഹ്യദ പഞ്ചായത്തായി വാരപ്പെട്ടി: മാലിന്യ നിര്മാര്ജ്ജനത്തിനും, കാര്ഷിക മേഖലക്കും,ഭവനത്തിനും പ്രത്യേക പരിഗണന

കോതമംഗലം : വാരപ്പെട്ടി ഗ്രാമപഞ്ചായത്തിലെ -24 ലെ ബഡ്ജറ്റ് പഞ്ചായത്ത് പ്രസിഡന്റ് പി.കെ.ചന്ദ്രശേഖരന് നായരുടെ ആമുഖ പ്രസംഗത്തിന് ശേഷം 179009136 കോടി രൂപ വരവും 178001136 കോടി രൂപ ചെലവും 12979257 രൂപ മിച്ചം വരുന്ന ബഡ്ജറ്റ് ഗ്രാമപഞ്ചായത്ത് വൈസ് പ്രസിഡന്റ് ബിന്ദു ശശി അവതരിപ്പിച്ചു പഞ്ചായത്തിലെ വൃദ്ധ-ഭിന്നശഷി സൗഹ്യദ പഞ്ചായത്ത് എന്ന ലക്ഷ്യത്തോടെ ഇവര്ക്കായി കരുതലും സംരക്ഷണവും സുരക്ഷയും നല്കുവാനായി പ്രത്യേക പദ്ധതി. 65 കഴിഞ്ഞ നിരാലംബരെ സഹായിക്കുന്നതിനും, സംരക്ഷിക്കുന്നതിനും വേണ്ടിയുള്ള പദ്ധതികള്ക്ക് പ്രത്യേക പരിഗണന. മാറാരോഗികളായ ആവശ്യക്കാരായ വൃദ്ധജനങ്ങള്ക്കു മരുന്നും ചികിത്സയും വീട്ടില് എത്തിച്ചു നല്കുന്നതിനും പദ്ധതികള്. ഭിന്നശേഷിക്കാര്ക്ക് ചികിത്സ-വിദ്യാഭ്യാസ സൗകര്യങ്ങള്, തൊഴില് പരിശീലനത്തിനു പ്രത്യേക പാക്കേജ് എന്നിവയ്ക്കായി ബഡ്ജറ്റില് 1,00,00,000(ഒരു കോടി) രൂപ വക ഒന്നാം ഘട്ടമായി വകയിരുത്തിയിട്ടുണ്ട്.
മാലിന്യ നിര്മ്മാര്ജ്ജനത്തിനായി ജില്ലയില് ആദ്യമായി ശുചിത്വ മിഷന്റെ സഹായത്തോടു കൂടി ഫീക്കല് സ്ലെഡ്ജ് ട്രീറ്റ്മെന്റ് പ്ലാന്റ് ആരംഭിക്കുവാനും ഹരിത കര്മ്മ സേനയുടെ പ്രവര്ത്തനങ്ങള് ഊര്ജിതമാക്കുന്നതിനു വേണ്ടി പഞ്ചായത്തു വിഹിതമായി 2100000(ഇരുപത്തിയൊന്ന് ലക്ഷം) രൂപ ബഡ്ജറ്റില് വകയിരുത്താനും തീരുമാനിച്ചു. തല ചായ്ക്കാനിടമില്ലാത്ത വാരപ്പെട്ടി പഞ്ചായത്തിലെ വീടും സ്ഥലവും ഇല്ലാത്ത മുഴുവന് ഗുണഭോക്താക്കള്ക്കും “ മനസോടിത്തിരി മണ്ണ് വാരപ്പെട്ടി ” എന്ന പദ്ധതിയിലൂടെ സ്ഥലം കണ്ടെത്തുകയും വരുന്ന 3 വര്ഷം കൊണ്ട് ഘട്ടം ഘട്ടമായി വീട് നല്കുന്നതിന് 28000000(രണ്ട് കോടി എണ്പത് ലക്ഷം)രൂപ വകയിരുത്തിയിട്ടുണ്ട് .
കാര്ഷിക മേഖലയിലെ ജൈവ കൃഷി പ്രോത്സാഹിപ്പിക്കുന്നതിനും ,നെല്ല് ,പച്ചക്കറി ഉള്പ്പെടെ സ്വയം പര്യപ്തത കൈവരിക്കുന്നതിന് വേണ്ടിയുള്ള പ്രധാന ചുവട് വെയ്പ്പാണിത്. ഇതിനായി അഗ്രിക്കള്ച്ചറല് പ്രൊമോഷന് ടീമിന് കില ട്രെയിനിങ് കൊടുത്തിട്ടുണ്ട് ഇവരെയും ,കാര്ഷിക കര്മ്മ സേനയേയും, കര്ഷകരെയും ഉള്പ്പെടുത്തിക്കൊണ്ട് ചെറുകിട നാമമാത്ര കൃഷി ഉല്പ്പന്നങ്ങളുടെ സംഭരണം ,വിതരണം കൂടാതെ വാരപ്പെട്ടി കുടുംബശ്രീ സി ഡി എസ് ട്രേഡ് കുത്തരി ഉള്പ്പെടെ മൂല്യ വര്ദ്ധിത ഉല്പ്പന്നങ്ങള് ഉണ്ടാക്കുന്നതിനായി 3500000 (മുപ്പത്തി അഞ്ച് ലക്ഷം)രൂപ ഒന്നാം ഘട്ടമായി വകയിരുത്തിയിട്ടുണ്ട് മണ്ണ് ജലസംരക്ഷണമായി ബന്ധപ്പെട്ടു വിവിധ പരമ്പരാഗത ജലസ്രോതസ്സുകളുടെ നവീകരണം ,സംരക്ഷണം ,സസ്യങ്ങള് നട്ടു പിടിപ്പിക്കല് പരിപാലനം എന്നിവയ്ക്കായി 3000000 (മുപ്പത് ലക്ഷം) രൂപ വകയിരുത്തിയിട്ടുണ്ട് .
വാരപ്പെട്ടി ഗ്രാമപഞ്ചായത്തില് മികച്ച സൌകര്യ സംവിധാനമുള്ള പ്രധാനപ്പെട്ട CHC ,ആയുര്വേദ ആശുപത്രി ഉണ്ട് . ആരോഗ്യ രംഗത്ത് ഹെല്ത്ത് സബ് സെന്റര് കെട്ടിട നവീകരണവും ഹോമിയോ ആശുപത്രിക്കു കെട്ടിട നിര്മ്മാണവും ആവശ്യമാണ്. കൂടാതെ ക്യാന്സര്, ജീവിത ശൈലി രോഗങ്ങള് പൂര്ണ്ണമായി നിര്മ്മാര്ജനം ചെയ്യുക ലക്ഷ്യത്തോടെ നിര്ണ്ണയ നിവാരണം ഉള്പ്പെടെ വിവിധ പദ്ധതികള്ക്കായി 1200000 (പന്ത്രണ്ട് ലക്ഷം) രൂപ വകയിരുത്തുന്നു.
പട്ടിക ജാതി ക്ഷേമവുമായി ബന്ധപ്പെട്ടു വിദ്യാര്ത്ഥികള്ക്കു വിദേശ പഠനസഹായത്തിനും ഉന്നത വിദ്യാഭ്യാസത്തിനുമായി 1000000 (പത്ത് ലക്ഷം) രൂപ വകയിരുത്തുന്നു
വനിതകള്ക്ക് സ്വയം പര്യാപ്തത പഞ്ചായത്തു ലക്ഷ്യമിടുന്നു ഇതിനായി വനിതാ ക്ഷേമവികസന പദ്ദതികള്ക്കായി സ്വയം തൊഴില് പരിശീലനവും സംരംഭം ആരംഭിക്കുന്നതുള്പ്പെടെ ഉള്ളവക്കായി 1000000 (പത്ത് ലക്ഷം) രൂപ വകയിരുത്തുന്നു
ശിശു ക്ഷേമവുമായി ബന്ധപ്പെട്ടു 98 -ആം നമ്പര് അങ്കണവാടിക്കു പുതിയ മന്ദിരവും മറ്റു അങ്കണവാടികള് സ്മാര്ട്ട് ആക്കുന്നതിനു വേണ്ടി 6500000 (അറുപത്തിയഞ്ചു ലക്ഷം) രൂപ വകയിരുത്തിയിട്ടുണ്ട് .
യുവജന ക്ഷേമവുമായി ബന്ധപെട്ടു കളിസ്ഥല നിര്മ്മാണവും വിവിധ വാര്ഡുകളില് ആധുനിക തരത്തിലുള്ള കളിസ്ഥല നവീകരണവുമായി ബന്ധപെട്ടു ജില്ലാ ബ്ലോക്ക് അവരുടെ വിഹിതം കൂടി ഉള്പ്പെടുത്തി 4200000 (നാല്പത്തിരണ്ട് ലക്ഷം) രൂപ വകയിരുത്തിയിട്ടുണ്ട് .
വിവിധ റോഡുകളുടെ നിര്മ്മാണ നവീകരണത്തിനായി 12500000 (ഒരു കോടി ഇരുപത്തിയഞ്ചു ലക്ഷം) രൂപയും അഴുക്കുചാല് നിര്മ്മാണ ത്തിനും മെയിന്റനന്സിനുമായി 800000 (എട്ട് ലക്ഷം) രൂപ ബഡ്ജറ്റില് വക കൊള്ളിക്കുന്ന പൊതു കെട്ടിടങ്ങളുടെ നവീകരണത്തിനായി 1200000 (പന്ത്രണ്ട് ലക്ഷം) രൂപയും ബഡ്ജറ്റില് വകയിരുത്തിയിട്ടുണ്ട് .
ഇതു കൂടാതെ പഞ്ചായത്തിന്റെ സമഗ്ര വികസനത്തിനായി വിവിധ പദ്ധതികള്ക്കായി വിവിധ തരത്തില് ഫണ്ടുകള് ഈ ബഡ്ജറ്റില് വകയിരുത്തിയിട്ടുണ്ട് .എന്ന് പി കെ ചന്ദ്രശേഖരന് നായര് ,ബിന്ദു ശശി , സ്ഥിരം സമിതി അദ്ധ്യക്ഷര് എന്നിവര് അറിയിച്ചു. വാര്ത്ത സമ്മേളനത്തില് പ്രസിഡന്റ് , പി കെ ചന്ദ്രശേഖരന് നായര്വൈസ് പ്രസിഡന്റ്, ബിന്ദു ശശിസ്ഥിരം സമിതി അദ്ധ്യക്ഷരായ പി പി കുട്ടന് ,കെ എം സെയ്ത്,ദീപ ഷാജു ,പഞ്ചായത്തു സെക്രട്ടറി എം എം ഷംസുദ്ധീന് തുടങ്ങിയവർ പങ്കെടുത്തു.
CHUTTUVATTOM
കോട്ടപ്പടിയില് കാട്ടാനശല്യം രൂക്ഷമാകുന്നതില് നാട്ടുകാര്ക്ക് പ്രതിഷേധം.

കോട്ടപ്പടി : കോട്ടപ്പടി പഞ്ചായത്തിലെ കോട്ടപ്പാറ വനമേഖലയോട് ചേർന്നുള്ള പ്ലാമൂടിയിൽ കാട്ടാനക്കൂട്ടം ഇറങ്ങുന്നത് പതിവാകുന്നു. ഇന്നലെ രാത്രിയിൽ ഇറങ്ങിയ കാട്ടാനകൾ പ്രദേശവാസികളുടെ കൃഷിയിടങ്ങളുടെ ചുറ്റുമതിൽ തകർത്താണ് ജനവാസ മേഖലയിലേക്ക് ഇറങ്ങിയത്. തുടർച്ചയായി കോട്ടപ്പടി പഞ്ചായത്തിലെ കോട്ടപ്പാറ വന മേഖലയോട് ചേർന്ന് കിടക്കുന്ന ജനവാസ മേഖലയിലേക്ക് കാട്ടാന ഇറങ്ങുന്നത് ജനങ്ങളുടെ സ്വസ്ഥ ജീവിതത്തിന് വിഹാതം സൃഷ്ഠിക്കുകയാണെന്ന് നാട്ടുകാർ ഒന്നടങ്കം പറയുന്നു.
കാട്ടാന കൃഷി നശിക്കുന്നത് കൂടാതെ വളർത്തു മൃഗങ്ങളെ ആക്രമിക്കുകയും കൊലപ്പെടുത്തുകയും വീടുകൾ കൂടി ആക്രമിക്കുകയും ചെയ്ത സംഭവങ്ങൾ അടുത്ത കാലത്ത് സംഭവിക്കുകയും ചെയ്തിട്ടുണ്ട്. അടിയന്തരമായി ഫെൻസിങ് ശക്തമാക്കിയും, ഫെൻസിംഗിനോട് ചേർന്നുള്ള വനമേഖലയിലെ മരങ്ങൾ വെട്ടിമാറ്റുവാനുള്ള നടപടികൾ വേഗത്തിലാക്കണമെന്നും, കർഷകർക്ക് നേരിടുന്ന കൃഷി നാശത്തിനുള്ള നഷ്ടപരിഹാര തുക അടിയന്തിരമായി കൈമാറണമെന്നും നാട്ടുകാർ ആവശ്യപ്പെടുന്നു. ആനകള് നിരന്തരം നാട്ടിലിറങ്ങി നാശം വിതക്കുമ്പോള് അധികാരികള് പരിഹാരനടപടിക്ക് ശ്രമിക്കുന്നില്ലെന്നാണ് നാട്ടുകാരുടെ പരാതി.
CHUTTUVATTOM
ഇരട്ട അവാർഡുകളുടെ തിളക്കത്തിൽ ഡോ. മഞ്ജു കുര്യൻ

കോതമംഗലം : തുടർച്ചയായി ലഭിച്ച രണ്ട് പുരസ്കാരങ്ങളുടെ തിളക്കത്തിലാണ് കോതമംഗലം മാർ അത്തനേഷ്യസ് കോളേജും, പ്രിൻസിപ്പൽ ഡോ. മഞ്ജു കുര്യനും. സംസ്ഥാനത്തെ മികച്ച കോളേജ് അധ്യാപകർക്ക് നൽകുന്ന രണ്ട് പുരസ്കാരങ്ങളാണ് ഡോ. മഞ്ജുവിനെ തേടിയെത്തിയത്. ചങ്ങനാശ്ശേരി എസ്.ബി. കോളേജ് പൂർവവിദ്യാർഥി സംഘടനയുടെ കുവൈറ്റ് ചാപ്റ്റർ ഏർപ്പെടുത്തിയിരിക്കുന്ന 25- മത് ബർക്കുമൻസ് അവാർഡും, ഇരിങ്ങാലക്കുട ക്രൈസ്റ്റ് കോളേജ് മികച്ച അദ്ധ്യാപകർക്ക് നൽകുന്ന ഫാ. ഡോ. ജോസ് തെക്കൻ പുരസ്കാരവും മഞ്ജു കുര്യന് ലഭിച്ചപ്പോൾ കോതമംഗലം എം. എ. കോളേജിന് ഇരട്ടി മധുരം.എസ് ബി കോളേജിൽ വച്ചു നടന്ന ചടങ്ങിൽ തിരുവനന്തപുരം രാജീവ് ഗാന്ധി സെന്റർ ഫോർ ബയോടെക്നോളജി ഡയറക്ടർ പ്രൊഫ.ഡോ.ചന്ദ്രഭാസ് നാരായണ ബർക്കുമൻസ് അവാർഡ് സമ്മാനിച്ചു.25,000രൂപയും, പ്രശസ്തി പത്രവും അടങ്ങുന്നതാണ് പുരസ്കാരം.
അധ്യാപന, ഗവേഷണ രംഗത്തെ മികവും, സാമൂഹ്യ പ്രതിബദ്ധതയുള്ള പ്രവര്ത്തനങ്ങളും പരിഗണിച്ചാണ് പുരസ്കാരം നല്കുന്നത്. സംസ്ഥാനത്തെ വിവിധ കോളേജുകളില് നിന്നു ലഭിച്ച നാമനിര്ദേശങ്ങളില് നിന്നാണ് ഡോ. മഞ്ജു കുര്യൻ തിരഞ്ഞെടുക്കപ്പെട്ടത്.പുരസ്കാരം ലഭിച്ചതിൽ അതിയായ സന്തോഷമുണ്ടെന്നും, പ്രതിഭകളെ കണ്ടെത്തി ഏറ്റവും നല്ല രീതിയിൽ പ്രോത്സാഹനം നൽകുന്ന മാനേജ്മെന്റാണ് കോതമംഗലം എം. എ. കോളേജ് മാനേജ്മെന്റ് എന്നും മഞ്ജു പറഞ്ഞു. തന്നെ ഇന്നത്തെ നല്ല അധ്യാപികയാക്കി മാറ്റിയതിൽ തന്റെ മാതാപിതാക്കൾക്കും, കുടുംബത്തിനും, സഹപ്രവർത്തകർക്കും വലിയ പങ്കുണ്ടെന്നും ഡോ. മഞ്ജു സൂചിപ്പിച്ചു.കോലഞ്ചേരി,കാഞ്ഞിരവേലിയിൽ റിട്ട. അദ്ധ്യാപക ദമ്പതികളായ കെ. എം. കുര്യാച്ചൻ -വി. കെ സൂസൻ എന്നിവരുടെ മകളാണ്.
ഇരിങ്ങാലക്കുട ക്രൈസ്റ്റ് കോളേജ് ഏർപ്പെടുത്തിയ മികച്ച കോളേജ് അദ്ധ്യാപകർക്കുള്ള ഫാ. ഡോ. ജോസ് തെക്കൻ പുരസ്കാരം ചൊവ്വെഴ്ച എം. ജി യൂണിവേഴ്സിറ്റി വൈസ് ചാൻസിലർ പ്രൊഫ. ഡോ.സാബു തോമസ് ക്രൈസ്റ്റ് കോളേജിൽ നടന്ന ചടങ്ങിൽ ഡോ. മഞ്ജുവിന് സമ്മാനിച്ചിരുന്നു. 50,000രൂപയും ഫലകവും, പ്രശസ്തി പത്രവും അടങ്ങുന്നതായിരുന്നു പുരസ്കാരം.കോതമംഗലം എം. എ. എഞ്ചിനീയറിംഗ് കോളേജ് ഇലക്ട്രോണിക്സ് വിഭാഗം അദ്ധ്യാപകൻ ഓടക്കാലി,പനിച്ചയം പാറപ്പാട്ട് ഡോ. ജിസ് പോളിന്റെ ഭാര്യയാണ്.വിദ്യാർത്ഥിനികളായ അഞ്ജലി,അലീന എന്നിവർ മക്കളാണ്. തുടർച്ചയായി സംസ്ഥാനത്തെ മികച്ച കോളേജ് അധ്യാപികക്കുള്ള രണ്ട് അവാർഡുകൾ കരസ്ഥമാക്കിയ ഡോ. മഞ്ജു കുര്യനെ കോളേജ് അസോസിയേഷൻ സെക്രട്ടറി ഡോ. വിന്നി വറുഗീസ് അഭിനന്ദിച്ചു.
CHUTTUVATTOM
ജനാധിപത്യത്തെ കശാപ്പു ചെയ്യുന്ന മോഡി സർക്കാരിനെതിരെ യൂത്ത് കോൺഗ്രസ് കോതമംഗലത്ത് പന്തംകൊളുത്തി പ്രകടനം നടത്തി

കോതമംഗലം : രാഹുൽ ഗാന്ധിയുടെ കൂറ്റൻ ചിത്രം വഹിച്ചായിരുന്നു പ്രകടനം. കെ പി സി സി മെമ്പർ ശ്രീ എ.ജി ജോർജ് പ്രതിഷേധ പരിപാടി ഉദ്ഘാടനം ചെയ്തു സംസാരിച്ചു. യൂത്ത് കോൺഗ്രസ് മണ്ഡലം പ്രസിഡന്റ് അഡ്വ ജോർജ് ജോസ് അധ്യക്ഷത വഹിച്ച ചടങ്ങിൽ യൂത്ത് കോൺഗ്രസ് ജില്ലാ ജനറൽ സെക്രട്ടറി ശ്രീ റഫീഖ് വെണ്ടുവഴി, കെ എസ് യു സംസ്ഥാന സെക്രട്ടറി ശ്രീ അനൂപ് ഇട്ടൻ, യൂത്ത് കോൺഗ്രസ് ഭാരവാഹികളായ ലിനോ മങ്കുത്താൻ, ബേസിൽ തണ്ണിക്കോട്ട്, ജയിൻ ജോസ്, മുജിതബ് മുഹമ്മദ്,ബാബു വർഗീസ്, രാഹുൽ കെ.ആർ, ബെർട്ടിൻ ജോയി, വിജിത് വിജയൻ, അനൂസ് ജോൺ, അരുൺ അയ്യപ്പൻ, അജീബ് ഇരമല്ലൂർ, ബേസിൽ, നൗഫൽ കെ.എം,അക്ഷയ് വിജയ്, ബിബിൻ ബേബി, വർഗീസ് മാപ്ലക്കുടി, ഷിന്റോ പി. തോമസ്, റ്റിജോ പോൾ, സിറിയക് ജോസ്, എൽദോസ് കട്ടങ്ങാനാൽ,സണ്ണി നിരപ്പേൽ, അലി പടിഞ്ഞാറേചാലിൽ, സത്താർ വട്ടകുടി, സലിം മംഗലപാറ, അനൂപ് ജോർജ്, ബഷീർ എന്നിവർ പങ്കെടുത്തു.
-
ACCIDENT5 days ago
ബസും സ്കൂട്ടറും കൂട്ടിയിടിച്ച് യുവതി മരിച്ചു.
-
ACCIDENT7 days ago
കാറും ബൈക്കും കൂട്ടിയിടിച്ചു: യുവാവിന് പരിക്ക്
-
CRIME1 week ago
പെൺകുട്ടി മാത്രമുള്ള സമയം വീട്ടിൽ അതിക്രമിച്ച് കയറി ഉപദ്രവിച്ച പല്ലാരിമംഗലം സ്വദേശി അറസ്റ്റിൽ
-
CRIME3 days ago
ബസിൽ വച്ച് യുവതിയെ ശല്യം ചെയ്ത പല്ലാരിമംഗലം സ്വദേശി പിടിയിൽ
-
NEWS2 days ago
കൊച്ചി – ധനുഷ്കോടി ദേശീ പാതയിൽ നേര്യമംഗലത്ത് കാട്ടാന ഇറങ്ങി.
-
NEWS4 days ago
തങ്കളം – കോഴിപ്പിള്ളി ന്യൂ ബൈപ്പാസ് രണ്ടാം ഘട്ട രണ്ടാം റീച്ചിന്റെ നിർമ്മാണ പ്രവർത്തനങ്ങൾ ആരംഭിച്ചു.
-
CRIME5 days ago
കാപ്പാ ഉത്തരവ് ലംഘിച്ച നിരന്തര കുറ്റവാളിയായ കോതമംഗലം സ്വദേശിയെ അറസ്റ്റ് ചെയ്തു
-
NEWS2 hours ago
നാടിന്റെ വിളക്ക് അണയാതിരിക്കണേയെന്ന പ്രാർത്ഥന സഫലമായി; വിധിക്ക് പിന്നാലെ നന്ദി പ്രാർത്ഥനയിൽ പങ്കെടുത്ത് വിശ്വാസി സമൂഹം