കോതമംഗലം: കീരംപാറ പഞ്ചായത്തില്‍ നവീകരിച്ച പുന്നേകാട്-വാട്ടര്‍ ടാങ്ക് റോഡ് ബ്ലോക്ക് പഞ്ചായത്ത് പ്രസിഡന്റ് പി.എ.എം ബഷീര്‍ ഉദ്ഘാടനം ചെയ്തു. കോതമംഗലം ബ്ലോക്ക് പഞ്ചായത്തും,കീരംപാറ പഞ്ചായത്തും സംയുക്തമായി 2023-2024 വാര്‍ഷീക പദ്ധതിയില്‍ ഉള്‍പ്പെടുത്തി 525000 രൂപ ചെലവഴിച്ചാണ് കോണ്‍ക്രീറ്റ് റോഡ് ചെയ്ത് നവീകരിച്ചത്. പഞ്ചായത്ത് പ്രസിഡന്റ് മാമച്ചന്‍ ജോസഫ് അധ്യക്ഷത വഹിച്ചു.
ബ്ലോക്ക് പഞ്ചായത്ത് വൈസ് പ്രസിഡന്റ് ഡയാന നോബി, ജില്ലാ പഞ്ചായത്ത് സ്ഥിരം സമിതി ചെയര്‍പേഴ്‌സണ്‍ റാണികുട്ടി ജോര്‍ജ്ജ്, ബ്ലോക്ക് പഞ്ചായത്ത് സ്ഥിരം സമിതി ചെയര്‍മാന്‍മാരായ ജോമി തെക്കേക്കര, ജെയിംസ് കോറബേല്‍, പഞ്ചായത്ത് വൈസ് പ്രസിഡന്റ് ബീന റോജോ, ബ്ലോക്ക് പഞ്ചായത്ത് അംഗങ്ങളായ നിസമോള്‍ ഇസ്മായില്‍, റ്റി.കെ.കുഞ്ഞുമോന്‍, പഞ്ചായത്ത് അംഗങ്ങളായ ഗോപി മുട്ടത്ത്, ബേസില്‍ ബേബി, ഷാന്റി ജോസ്,നേതാക്കളായ എ.റ്റി പൗലോസ്, രാജു എബ്രഹാം, ബിജു വെട്ടികുഴ, ആന്റണി ഓലിയപുറം, വി.ജെ മത്തായികുഞ്ഞ്, ബേസില്‍ കാരാഞ്ചേരി, എന്നിവര്‍ പ്രസംഗിച്ചു.
