വീടിനു മുകളില്‍ നിന്നു വീണ് ചികിത്സയിലിരുന്നയാള്‍ മരിച്ചു

കോതമംഗലം: പെയിന്റിംഗ് ജോലിക്കിടെ വീടിനു മുകളില്‍ നിന്നു വീണ് പരിക്കേറ്റ് ചികിത്സയിലായിരുന്ന പെയിന്റര്‍ മരിച്ചു. പുതുപ്പാടി പാറപ്പാട്ട് രാജേഷ് (ഉണ്ണി-54) ആണ് മരിച്ചത്. വാരപ്പെട്ടി പഞ്ചായത്തിലെ ഇളങ്ങവത്ത് പെയിന്റിംഗ് ജോലിക്കിടെ വീടിനു മുകളില്‍നിന്ന് കഴിഞ്ഞ വെള്ളിയാഴ്ച താഴെ വീണു പരിക്കേറ്റ രാജേഷ് ആദ്യം മൂവാറ്റുപുഴ നിര്‍മല മെഡിക്കല്‍ സെന്ററിലും തുടര്‍ന്ന് കോലഞ്ചേരി മെഡിക്കല്‍ കോളജിലും ചികിത്സയിലായിരുന്നു. ബുധനാഴ്ച ഒരു മണിയോടെയാണ് മരിച്ചത്.

സംസ്‌കാരം പിന്നീട്. ഭാര്യ: പ്രിയ. മകള്‍: നന്ദന.