കോതമംഗലം: കോതമംഗലത്തിന്റെ സ്വപ്ന പദ്ധതിയായ തങ്കളം – കോഴിപ്പിള്ളി ന്യൂ ബൈപ്പാസ് റോഡിന്റെ രണ്ടാം റീച്ചിന്റെ (കലാ ഓഡിറ്റോറിയം മുതൽ കോഴിപ്പിള്ളി വരെ) ടെണ്ടർ നടപടികൾ പൂർത്തിയായതായി ആന്റണി ജോൺ എം എൽ എ അറിയിച്ചു.കോതമംഗലം പട്ടണത്തിന്റെ ഗതാഗത കുരുക്കിന് ശാശ്വത പരിഹാരം കാണുന്നതിനും പ്രദേശത്തിന്റെ വികസന കുതിപ്പിന് കരുത്ത് പകരുന്നതുമായ പദ്ധതിയാണ്.
ഒന്നാം പിണറായി സർക്കാരിന്റെ 2019 – 20 സംസ്ഥാന ബജറ്റിൽ ന്യൂ ബൈപാസിന്റെ രണ്ടാം റീച്ച് നിർമ്മാണത്തിനായി10 കോടി രൂപയാണ് വകയിരുത്തിയിട്ടുള്ളത്.പ്രസ്തുത റോഡിന്റെ ഒന്നാം റീച്ചിന്റെ (തങ്കളം മുതൽ – കലാ ഓഡിറ്റോറിയം വരെ) നിർമ്മാണ പ്രവർത്തനങ്ങൾ വേഗത്തിൽ നടന്നുവരികയാണ്. രണ്ടാം റീച്ച് നിർമ്മാണവുമായി ബന്ധപ്പെട്ട തുടർ നടപടികൾ വേഗത്തിലാക്കുമെന്നും എം എൽ എ പറഞ്ഞു.
