പോത്താനിക്കാട്: ഭിന്നശേക്ഷിക്കാരി യുവതിയെ പീഢിപ്പിക്കാൻ ശ്രമിച്ച ആയവന സ്വദേശിയെ പോത്താനിക്കാട് പോലീസ് അറസ്റ്റ് ചെയ്തു. പ്രതി മറ്റൊരു ഭിന്നശേഷിക്കാരിയെ പീഡിപ്പിച്ച കേസിൽ ജാമ്യത്തിലിറങ്ങിയയാൾ കൂടിയാണ്. വീട്ടുകാർ ആരും ഇല്ലാതിരുന്ന സമയം നോക്കി ഭിന്നശേഷിക്കാരി യുവതിയെ വീട്ടിൽ കയറി പീഢിപ്പിക്കാൻ ശ്രമിച്ച കേസിൽ ആയവന പഞ്ചായത്തിൽ കാലാമ്പൂർ സിദ്ധൻപടിയിൽ നിന്നും പുളിന്താനം മുള്ളാട് വെട്ടിത്തറ നസീറിന്റെ വാടക വീട്ടിൽ താമസിക്കുന്ന ചേന്നിരിക്കൽ വീട്ടിൽ ചന്ദ്രൻ മകൻ സജി (46) യെയാണ് പോത്താനിക്കാട് സി.ഐ.നോബിൾ മാനുവലിന്റെ നേതൃത്വത്തിൽ അറസ്റ്റ് ചെയ്തത്.
ഇയാൾ മുൻപ് മറ്റൊരു ഭിന്നശേഷിക്കാരി യുവതിയെ പീഡിപ്പിച്ച കേസിൽ ജാമ്യത്തിലിറങ്ങിയതിന് പിന്നാലെയാണ് വീണ്ടും സമാനമായ മറ്റൊരു പീഢനശ്രമം നടത്തിയത്. അന്വഷണസംഘത്തിൽ എസ്.ഐ. ജിയോ മാത്യു, അജീഷ് കുട്ടപ്പൻ, ജാസ്മിൻ, ജിസൻ എന്നിവരടങ്ങുന്ന സംഘമാണ് പ്രതിയെ പിടികൂടിയത്.
