കോതമംഗലം : വീടിൻ്റെ ജനൽ തകർത്ത് അകത്ത് കയറി മോഷണം നടത്തിയ കേസിൽ പ്രതി അറസ്റ്റിൽ. മൂവാറ്റുപുഴ ഏനാനെല്ലൂർ കാവക്കാട് കനാൽ ജംഗ്ഷൻ ഭാഗത്ത് പുതുവേലിച്ചിറയിൽ വീട്ടിൽ അഭിലാഷ് (43) നെയാണ് പോത്താനിക്കാട് പോലീസ് അറസ്റ്റ് ചെയ്തത്. കഴിഞ്ഞ ചൊവ്വാഴ്ച പോത്താനിക്കാട് ചേലക്കടവ് ചപ്പാത്ത് സ്വദേശിയുടെ വീടിൻ്റെ ജനൽ തകർത്ത് അകത്തു കയറിയാണ് മോഷണം നടത്തിയത്. ലാപ്ടോപ്, ടെലിവിഷൻ, സിസിടിവി ഹാർഡ് ഡിസ്ക് റീസീവർ , പണം എന്നിവയാണ് മോഷണം പോയത്. വീട്ടിലെ സി സി ടി വി ക്യാമറകളും മോഷ്ടാവ് നശിപ്പിച്ചിരുന്നു. കല്ലൂർക്കാട്, പോത്താനിക്കാട് പോലീസ് സ്‌റ്റേഷനുകളിലെ വിവിധ കേസുകളിൽ പ്രതിയാണ്. അന്വേഷണസംഘത്തിൽ ഇൻസ്പെക്ടർ കെ.ബ്രിജുകുമാർ, എസ് ഐ ജോഷി മാത്യു, എഎസ് ഐ മാരായ ദിലീപ്, ഷിബി കുര്യൻ,ഷാനവാസ്,എസ് സി പി ഓ ലിജേഷ്, സിപിഒ മാരായ നൗഫൽ,അനുരാജ്, ജിംസ് എന്നിവരാണ് ഉണ്ടായിരുന്നത്.
