കോതമംഗലം : തന്റെ ജീവിതത്തിലെ എല്ലാമായിരുന്ന വാപ്പയെ കോവിഡ് കോവിഡ് കവർന്ന വേദനയിൽ കഴിയുമ്പോഴും നാടിനു മാതൃകയാകുകയാണ് അൻഹ മെഹ്റിൻ എന്ന 9 വയസ്സുകാരി. കോതമംഗലം പിണ്ടിമന പഞ്ചായത്തിൽ എട്ടാം വാർഡിൽ തൈക്കാവും പടിയിൽ ഇലവും ചാലിൽ വീട്ടിൽ പരേതനായ നിസാർ ഇ.കെ.യുടേയും സിംന നിസാറിന്റേയും മകളായ അൻഹ മെഹ്റിൻ തനിയ്ക്ക് പെരുന്നാൾ പണമായി കിട്ടിയ 2500/ രൂപ മുഖ്യമന്ത്രിയുടെ വാക്സിൻ ചലഞ്ചിലേക്ക് നല്കിയാണ് മാതൃകയാ യത്.
ദുബായിൽ അലൂമിനം ഫേബ്രിക്കേഷൻ വർക്കറായിരുന്ന വാപ്പ നിസാർ കഴിഞ്ഞ വർഷം മെയ് 3 നാണ് ദുബായിൽ വച്ച് കോവിഡ് ബാധിച്ച് മരണപ്പെട്ടത്. ഈ തീരാ ദുഖത്തിൽ വേദനിക്കുമ്പോഴും തനിയ്ക്ക് പെരുന്നാൾ പണമായി ലഭിച്ച 2500/- രൂപ മുഖ്യമന്ത്രിയുടെ വാക്സിൻ ചലഞ്ചിലേക്ക് നല്കി ഈ 9 വയസ്സുകാരി കൊച്ചു മിടുക്കി നാടിന് മാതൃകയായത്.
