പെരുമ്പാവൂർ : കണ്ടന്തറ ഭായി കോളനിയിൽ അതിഥി തൊഴിലാളിയെ കൊലപ്പെടുത്താൻ ശ്രമിച്ച മൂന്നുപേർ പിടിയിൽ. മൂർഷിദാബാദ് സ്വദേശികളായ മുകുൾ (30), സക്കീൽസ് ഷാ (20), കബിൽ ഷാ (20) എന്നിവരെയാണ് പെരുമ്പാവൂർ പോലീസ് പിടികൂടിയത്. ഇവരുടെ സുഹൃത്ത് കൂടിയായ മൂർഷിദാബാദ് സ്വദേശി സലിംഷായെയാണ് കൊലപ്പെടുത്താൻ ശ്രമിച്ചത്. സലിം ഷായ്ക്ക് ഒന്നാം പ്രതി മുകുൾ രണ്ടായിരം രൂപ നൽകാനുണ്ടായിരുന്നു. ഇത് ചോദിച്ചതിലുള്ള വിരോധത്തിൽ സംഘം ചേർന്ന് മർദ്ദിക്കുകയായിരുന്നു. ആക്രമണത്തിൽ ഗുരുതരമായി പരിക്കേറ്റ സലിം ഷാ സ്വകാര്യ ആശുപത്രിയിൽ ചികിത്സയിലാണ്.
ഇൻസ്പെക്ടർ ആർ.രഞ്ജിത്, എസ്.ഐ മാരായ റിൻസ്. എം തോമസ്, ജോസി .എം ജോൺസൺ, എസ്.സി.പി.ഒ മാരായ അഷറഫ്, ഷിബു, സലിം, നൗഷാദ്, ജിഞ്ചു. കെ മത്തായി തുടങ്ങിയവരാണ് അന്വേഷണസംഘത്തിലുള്ളത്.
