കോതമംഗലം : കോതമംഗലം മണ്ഡലത്തിലെ പുന്നേക്കാട് കൂരികുളം മൾട്ടി സ്പീഷ്യസ് ഇക്കോ ഹാച്ചറിയിൽ 10 കോടി രൂപയുടെ വികസന പ്രവർത്തനങ്ങൾ 2023 മെയ് മാസം 31 നകം പൂർത്തീകരിക്കുമെന്ന് ആന്റണി ജോൺ എം എൽ എ അറിയിച്ചു.ഹാച്ചറിയുടെ രണ്ടാം ഘട്ട പ്രവർത്തനങ്ങളിൽ ഓവർ ഹെഡ് വാട്ടർടാങ്ക്,2 ബ്രൂഡ് സ്റ്റോക്ക് കുളങ്ങൾ,27 റിയറിങ്ങ് കുളങ്ങൾ,ചുറ്റുമതിൽ,അപ്രോച്ച് റോഡ്,സി സി ടി വി,ഹൈമാസ്റ്റ് ലൈറ്റ്,ഇലക്ട്രിഫിക്കേഷൻ എന്നീ ഘടകങ്ങളാണ് ഉൾപ്പെടുത്തിയിരിക്കുന്നത്.കരാർ പ്രകാരം 2023 ജൂലൈ അവസാനം വരെ സമയപരിധി ഉണ്ടെങ്കിലും മെയ് മാസം അവസാനത്തോടുകൂടി നിർമ്മാണം പൂർത്തീകരിക്കത്തക്ക നിലയിൽ പ്രവർത്തനങ്ങൾ വേഗത്തിൽ മുന്നോട്ടു കൊണ്ടുപോകുവാൻ തീരുമാനിച്ചു.

രണ്ടാം ഘട്ട നിർമ്മാണ പ്രവർത്തനങ്ങൾ പൂർത്തിയാകുന്നതോടെ കൂടുതൽ മൾട്ടി സ്പീഷ്യസ് ഇക്കോ ഹാച്ചറി പൂർണതോതിൽ മത്സ്യോദ്പാദനത്തിന് സജ്ജമാകുമെന്നും എം എൽ എ പറഞ്ഞു.ആന്റണി ജോൺ എം എൽ എ യുടെ നേതൃത്വത്തിൽ ഉന്നത തല സംഘം പ്രദേശം സന്ദർശിച്ച് വിലയിരുത്തി.എം എൽ എ യോടൊപ്പം ഫിഷറീസ് ഡയറക്ടർ ഡോക്ടർ അദീന അബ്ദുള്ള ഐ എ എസ്,കീരംപാറ പഞ്ചായത്ത് പ്രസിഡന്റ് വി സി ചാക്കോ,പെരിയാർവാലി എക്സിക്യൂട്ടീവ് എൻജിനീയർ ബൈജു സി വി,അസിസ്റ്റന്റ് എക്സിക്യൂട്ടീവ് എൻജിനീയർ ബിജു പി വർഗീസ്,അസിസ്റ്റന്റ് എൻജിനീയർ സാബു വി വി,ഫിഷറീസ് ഉദ്യോഗസ്ഥർ എന്നിവർ സംഘത്തിൽ ഉണ്ടായിരുന്നു.

കോതമംഗലം : കേന്ദ്ര മന്ത്രാലയത്തിന്റെയും ഈ മന്ത്രാലയത്തിന്റെയും കീഴിൽ പ്രവർത്തിക്കുന്ന ലൈഫ് എംപവർ ഹാൻഡി ക്രാഫ്റ്റ് പ്രൊഡ്യൂസർ കമ്പനിയുടെയും സംയുക്ത ആഭിമുഖ്യത്തിൽ ഹാൻഡി ക്രാഫ്റ്റ് എക്സിബിഷൻ 2022 തങ്കളം മലയൻകീഴ് ബൈപാസിൽ കെ സി വി ജംഗ്ഷന് സമീപമുള്ള ലൈഫ് ടവർ ഹാളിൽ വച്ച് ആൻ്റണി ജോൺ എം എൽ എ ഉദ്ഘാടനം ചെയ്ത് പൊതു ജനങ്ങൾക്ക് തുറന്നു കൊടുത്തു. പത്ത് ദിവസം നീണ്ടു നിൽക്കുന്ന ഈ മേള ഒക്ടോബർ 8 ന് ആണ് അവസാനിക്കുന്നത്.

കമ്പനി സി ഇ ഒ ബേബി മംഗലത്ത്,ഹാൻഡി ക്രാഫ്റ്റ് അസിസ്റ്റന്റ് ഡയറക്ടർ ധനൂർ സി വി,വാർഡ് കൗൺസിലർ അഡ്വ.ജോസ് വർഗീസ്,താലൂക്ക് ഇൻഡസ്ട്രിയൽ ഓഫീസർ ബാബുരാജ് കെ കെ,ധർമ്മഗിരി ഹോസ്പിറ്റൽ സെക്രട്ടറി അഡ്വ. മാത്യു ജോസഫ്,ബാങ്ക് ഓഫ് ബറോഡ ചീഫ് മാനേജർ എസ് ലൈനീഷ് ലാൽ,വീക്ഷണം റിപ്പോർട്ടർ കെ പി കുര്യാക്കോസ്,ഹാൻഡി ക്രാഫ്റ്റ് പ്രമോഷൻ ഓഫീസർ വീണ എസ്,മിനി മാത്യു,ബിജു പോൾ തുടങ്ങിയവർ പങ്കെടുത്തു.

കോതമംഗലം: എന്റെ നാട് ജനകീയ കൂട്ടായ്മ ആരോഗ്യം ആയുർവേദത്തിലൂടെ എന്ന ലക്ഷ്യത്തോടെ വിഭാവനം ചെയ്‌ത ആയുർ സൗഖ്യം പദ്ധതി ചെയർമാൻ ഷിബു തെക്കുംപുറം ഉദ്ഘാടനം ചെയ്തു.
തൃശൂർ തൈക്കാട്ട് മൂസ് എസ്.എൻ.എ ഔഷധശാലയുടെ സഹകരണത്തോടെയാണ് പദ്ധതി നടപ്പാക്കുന്നത്. താലൂക്കിലെ മുഴുവൻ പഞ്ചായത്തുകളിൽ ബോധവൽക്കരണ ക്ലാസുകൾ, സൗജന്യ മെഡിക്കൽ ക്യാമ്പുകൾ എന്നിവ സംഘടപ്പിക്കും. ചടങ്ങിൽ ജോർജ് അമ്പാട്ട് അധ്യക്ഷത വഹിച്ചു. സി.കെ.സത്യൻ,ജോർജ് കുരിയപ്പ്,പി.എ. പാദുഷ,സി.ജെ.എൽദോസ്, വി.ബി.ജോബി,ജോഷി പൊട്ടക്കൽ എന്നിവർ പ്രസംഗിച്ചു.തുടർന്നു നടന്ന മെഡിക്കൽ ക്യാമ്പിന് ഡോ.എബി വർഗീസ്,ഡോ.ജ്യോതി മേരി വർഗീസ്,ഡോ.ചിത്തിര തമ്പി,സർജു.ബി എന്നിവർ നേതൃത്വം നൽകി.

എന്റെ നാട് ആയുർ സൗഖ്യം പദ്ധതി ചെയർമാൻ ഷിബു തെക്കുംപുറം ഉദ്ഘാടനം ചെയ്യുന്നു.പി.എ.പാദുഷ,ജോർജ് കുരിയപ്പ്,ഡോ.ജ്യോതി മേരി വർഗീസ്, വി.ബി.ജോബി, ഡോ.എബി വർഗീസ്, സി.ജെ.എൽദോസ്,ജോർജ് അമ്പാട്ട്, ജോഷി പൊട്ടക്കൽ എന്നിവർ സമീപം.