വള്ളക്കടവ് – പരീക്കണ്ണി പാലത്തിൻ്റെ അപ്രോച്ച് റോഡ് ഉദ്ഘാടനം ചെയ്തു.

കോതമംഗലം: പല്ലാരിമംഗലം,കവളങ്ങാട് പഞ്ചായത്തുകളെ തമ്മിൽ ബന്ധിപ്പിക്കുന്ന വള്ളക്കടവ് – പരീക്കണ്ണി പാലത്തിൻ്റെ അപ്രോച്ച് റോഡ് ആന്റണി ജോൺ എംഎൽഎ ഉദ്ഘാടനം ചെയ്തു.എംഎൽഎ ആസ്തി വികസന ഫണ്ടിൽ നിന്നും 18 ലക്ഷം രൂപ ചെലവഴിച്ചാണ് അപ്രോച്ച് റോഡിൻ്റെ നിർമ്മാണം പൂർത്തീകരിച്ചത്. പല്ലാരിമംഗലം പഞ്ചായത്ത് പ്രസിഡൻ്റ് ഖദീജ മുഹമ്മദ് അധ്യക്ഷത വഹിച്ച ചടങ്ങിൽ കവളങ്ങാട് പഞ്ചായത്ത് പ്രസിഡൻ്റ് ഷൈജൻ്റ് ചാക്കോ, ബ്ലോക്ക് പഞ്ചായത്ത് വൈസ് പ്രസിഡൻ്റ് നിസാമോൾ ഇസ്മായിൽ,പല്ലാരിമംഗലം പഞ്ചായത്ത് വൈസ് പ്രസിഡൻ്റ് ഒ ഇ അബ്ബാസ്,പഞ്ചായത്ത് മെമ്പർമാരായ സീനത്ത് മൈതീൻ,സഫിയ സലിം,അബ്ദുൾ കരിം കെ എം,തോമാച്ചൻ ചാക്കോച്ചൻ,എ എ രമണൻ,റിയാസ് തുരുത്തേൽ,നസിയ ഷമീർ,അബൂബക്കർ മാങ്കുളം,മൈതീൻ കെ എം,കവളങ്ങാട് സർവ്വീസ് സഹകരണ ബാങ്ക് പ്രസിഡൻ്റ് കെ ബി മുഹമ്മദ്,പല്ലാരിമംഗലം പഞ്ചായത്ത് സെക്രട്ടറി എം എം ഷംസുദ്ദീൻ,സി പി ഐ എം പല്ലാരിമംഗലം ലോക്കൽ സെക്രട്ടറി എം എം ബക്കർ എന്നിവർ സംസാരിച്ചു.

മേജർ ഇറിഗേഷൻ എക്സിക്യൂട്ടീവ് എഞ്ചിനീയർ ടി സന്ധ്യ റിപ്പോർട്ട് അവതരിപ്പിച്ചു.അസിസ്റ്റൻ്റ് എക്സിക്യൂട്ടീവ് എഞ്ചിനീയർ പി എം ആഷ സ്വാഗതവും അസിസ്റ്റൻ്റ് എഞ്ചിനീയർ സാജു എം ചാണ്ടി കൃതജ്ഞതയും പറഞ്ഞു.പ്രദേശത്തെ ജനങ്ങളുടെ ഏറെ കാലമായിട്ടുള്ള ഒരു ആവശ്യമാണ് ഇപ്പോൾ പൂർത്തീകരിക്കപ്പെട്ടിട്ടുള്ളതെന്ന് എംഎൽഎ പറഞ്ഞു.