കോതമംഗലം : ആധുനിക നിലവാരത്തിൽ നവീകരിച്ച നെല്ലിക്കുഴി പഞ്ചായത്തിലെ നങ്ങേലിപ്പടി – ഇളമ്പ്ര 314 റോഡിന്റെ ഉദ്ഘാടനം ഇളമ്പ്ര ജംഗ്ഷനിൽ വച്ച് പൊതുമരാമത്ത് വകുപ്പ് മന്ത്രി പി എ മുഹമ്മദ് റിയാസ് നിർവ്വഹിച്ചു. ചടങ്ങിൽ ആന്റണി ജോൺ എം എൽ എ അധ്യക്ഷത വഹിച്ചു. 3 കോടി 50 ലക്ഷം രൂപ ഉപയോഗിച്ചാണ് റോഡ് ആധുനിക നിലവാരത്തിൽ നവീകരിച്ചത്.മൂവാറ്റുപുഴ നിരത്ത് വിഭാഗം എക്സിക്യൂട്ടീവ് എഞ്ചിനീയർ ഷിജി കരുണാകരൻ റിപ്പോർട്ട് അവതരിപ്പിച്ചു.ബ്ലോക്ക് പഞ്ചായത്ത് പ്രസിഡന്റ് പി എ എം ബഷീർ,പഞ്ചായത്ത് പ്രസിഡന്റ് പി എം മജീദ്,ഫോറസ്റ്റ് ഇൻഡസ്ട്രീസ് ട്രാവൻകൂർ ചെയർമാൻ ആർ അനിൽകുമാർ,സംസ്ഥാന യുവജന ക്ഷേമ ബോർഡ് വൈസ് ചെയർമാൻ എസ് സതീഷ്,ജില്ലാ പഞ്ചായത്ത് മെമ്പർ റഷീദ സലീം,പഞ്ചായത്ത് വൈസ് പ്രസിഡന്റ് ശോഭാ വിനയൻ,ബ്ലോക്ക് പഞ്ചായത്ത് മെമ്പർ എം എ മുഹമ്മദ്,വികസനകാര്യ സ്റ്റാൻഡിങ് കമ്മിറ്റി ചെയർമാൻ എം എം അലി, ആരോഗ്യ സ്റ്റാൻഡിങ് കമ്മിറ്റി ചെയർമാൻ എൻ ബി ജമാൽ,പഞ്ചായത്ത് മെമ്പർമാരായ ബീന ബാലചന്ദ്രൻ,ഷഹന അനസ്,വിവിധ രാഷ്ട്രീയ പാർട്ടി നേതാക്കന്മാരായ കെ എ ജോയി,എൻ പി അസൈനാർ,അബ്ദുൾ സലാം,സത്താർ വട്ടക്കുടി,എൻ സി ചെറിയാൻ,എ റ്റി പൗലോസ്,ബേബി പൗലോസ് എന്നിവർ ചടങ്ങിൽ പങ്കെടുത്തു.ആലുവ നിരത്ത് വിഭാഗം സൂപ്രണ്ടിംഗ് എൻജിനീയർ ടി എസ് സുജാറാണി സ്വാഗതവും കോതമംഗലം നിരത്തി വിഭാഗം അസിസ്റ്റന്റ് എക്സിക്യൂട്ടീവ് എൻജിനീയർ ഷാജീവ് എസ് നന്ദിയും പറഞ്ഞു.
