കോതമംഗലം : ദേശീയ വനിതാ ദിനത്തിന്റെ ഭാഗമായി കോതമംഗലം ബാർ ബസേലിയോസ് മെഡിക്കൽ മിഷൻ ഹോസ്പിറ്റലും കേരള സ്റ്റേറ്റ് റോഡ് ട്രാൻസ്പോർട്ട് കോർപ്പറേഷനും സംയുക്തമായി കെഎസ്ആർടിസി കോതമംഗലം യൂണിറ്റിൽ വനിതാദിന റാലിയും,പൊതുസമ്മേളനവും,കലാപരിപാടികളും ചേർത്ത് ദേശീയ വനിതാദിന ആഘോഷം നടത്തി.ഉദ്ഘാടനം ആന്റണി ജോൺ എംഎൽഎ നിർവഹിച്ചു.
എം ബി എം എം അസോസിയേഷൻ സെക്രട്ടറി സലിം ചെറിയാൻ അധ്യക്ഷനായി. കെഎസ്ആർടിസി എംഡി P. S പ്രമോദ് ശങ്കർ IOFS ഓൺലൈൻ സന്ദേശം നൽകി. കെ എസ് ആർ ടി സി ചീഫ് ലോ ഓഫീസർ ഹേന പി എൻ ആശംസകൾ നേർന്നു. സ്ത്രീത്വത്തിന്റെ കരുത്തും സ്നേഹവും ആഘോഷമാക്കുന്ന അന്താരാഷ്ട്ര വനിതാദിനത്തിൽ എല്ലാ സ്ത്രീകൾക്കും ഹൃദയം നിറഞ്ഞ ആശംസകൾ നേരുന്നു എന്നും സ്വപ്നങ്ങൾ പിന്തുടർന്നവരെ പിന്തുണയ്ക്കാനും, സാമൂഹിക പുരോഗതിയിൽ സ്ത്രീകളുടെ പങ്കിനെ ആദരിക്കാനും ഈ ദിനം ഉപയോഗിക്കാം എന്നും കേരളത്തിലെ പ്രഥമ സ്ത്രീ സൗഹൃദ ഡിപ്പോയായ കോതമംഗലം കെഎസ്ആർടിസി യൂണിറ്റിന് വനിതാദിനാശംസകൾ നേരുന്നതായും ഉദ്ഘാടന പ്രസംഗത്തിൽ എംഎൽഎ പറഞ്ഞു.
മുനിസിപ്പൽ ചെയർമാൻ ഭാനുമതി രാജു,വൈസ് ചെയർമാൻ പ്രിൻസ് വർക്കി, സെന്റ് ജോസഫ്സ് ഹോസ്പിറ്റൽ അഡ്മിനിസ്ട്രേറ്റർ റവ സിസ്റ്റർ ജാസ്മിൻ എം എസ് ജെ, എംബിറ്റ് സ് സെക്രട്ടറി ബിനോയി മണ്ണഞ്ചേരിയിൽ, പ്രിൻസിപ്പൽ ഡോ തോമസ് ജോർജ്,കെ എസ് ആർ ടി സി എ ടി ഒ നിജാമുദ്ധീൻ ജെ, മാർ തോമ ചെറിയപള്ളി വികാരി റവ ഫാ സാജു ജോർജ് കുരിക്കപ്പിള്ളിൽ,വാർഡ് കൗൺസിലർമാരായ ഷിബു കുര്യയാക്കോസ്, മിനി മാത്യു, മാർ തോമ ചെറിയ പ്പള്ളി ട്രസ്റ്റീ പി ഐ ബേബി, എം ബി എം എം ഹോസ്പിറ്റൽ വൈസ് പ്രസിഡന്റ് വിൻസെന്റ് പൈലി, ട്രഷറർ സണ്ണി എം എം എന്നിവർ പങ്കെടുത്തു.
എം ബി എം എം ഹോസ്പിറ്റൽ ചീഫ് ഓപ്പറേറ്റിംഗ് ഓഫീസർ സനീബ് കെ രഖുനാഥൻ സ്വാഗതവും മെഡിക്കൽ സൂപ്രണ്ട് ഡോ ജോർജ് എബ്രഹാം കൃതജ്ഞതയുംരേഖപ്പെടുത്തി.പരിപാടിയിൽ 500 ലേറെ വനിതകളുടെ പങ്കാളിത്തം ഉണ്ടായി.
