മൂവാറ്റുപുഴ: വെള്ളൂർകുന്നത്ത് പ്രവർത്തിക്കുന്ന എച്ച്പിയുടെ പികെസി പമ്പിലേക്കാണ് ചൊവ്വെ രാത്രി പത്തരയോടെ മണ്ണിടിഞ്ഞുവീണ് അപകടമുണ്ടായത്. 24 മണിക്കൂറും പ്രവർത്തിക്കുന്ന പമ്പ് ആയിരുന്നുവെങ്കിലും മണ്ണിടിച്ചിൽ സമയത്ത് ജീവനക്കാരും മറ്റു ആളുകളും അല്പം ദൂരെ ആയതിനാൽ ആളപകടം ഉണ്ടായില്ല. ഏതാനും വർഷങ്ങൾക്കു മുമ്പ് മണ്ണിടിഞ്ഞുവീണ് ദുരന്തമുണ്ടായ കോർമലക്ക് സമീപമാണ് പമ്പ് പ്രവർത്തിക്കുന്നത്.
ആ ദുരന്തത്തിന് ശേഷവും അധികൃതർ സംരക്ഷണത്തിനായി യാതൊന്നും ചെയ്തില്ലെന്ന് പരാതിയുണ്ട്. ഇനിയും മണ്ണിടിച്ചിലോ വലിയ ദുരന്തമോ ഉണ്ടാകുമോ എന്ന ഭീതിയിലാണ് പമ്പ് ജീവനക്കാരും സമീപവാസികളും.
