മുവാറ്റുപുഴ : പരിശോധനക്കെത്തിയ എക്സൈസ് ഉദ്യേഗസ്ഥനെ മർദ്ദിച്ച കേസ്സിൽ അഞ്ച് പേർ അറസ്റ്റിൽ . കല്ലൂർക്കാട് വെള്ളാരം കല്ല് കല്ലിങ്കൽ വീട്ടിൽ അനു (32), കൊയ്ത്താനത്ത് വീട്ടിൽ സിനോ മാത്യു (37), ഏനാനല്ലൂർ പേരാമംഗലം കടുവാക്കുഴിയിൽ വീട്ടിൽ ജോമി (36), വെട്ടിയാങ്കൽ വീട്ടിൽ ജെറിൻ ജോർജ് (32), കെമ്പാനക്കുടിയിൽ വീട്ടിൽ മനുമോഹൻ (31) എന്നിവരെയാണ് മൂവാറ്റുപുഴ പോലീസ് അറസ്റ്റ് ചെയ്തത്. മുവാറ്റുപുഴ എക്സൈസ് ഓഫീസിലെ ഓഫീസറായ ജിഷ്ണു മനോജിനാണ് മർദ്ദനമേറ്റത്. മുവാറ്റുപുഴ സർക്കാർ മദ്യശാലക്ക് മുൻപിൽ അളവിൽ കൂടുതൽ മദ്യം വാങ്ങി വില്‌പന നടത്തുന്നുണ്ടെന്ന വിവരം ലഭിച്ചതിനെ തുടർത്ത് പരിശോധനക്കെത്തിയതായിരുന്നു ഉദ്യോഗസ്ഥൻ.
സഞ്ചിയിൽ കൊണ്ടുപോവുകയായിരുന്ന മദ്യം എക്സൈസ് ഉദ്യോഗസ്ഥൻ പരിശോധിക്കാൻ ശ്രമിക്കുന്നതിനിടയിലാണ് ഔദ്യോഗിക കൃത്യനിർവ്വഹണം തടസപ്പെടുത്തി സംഘം ഉദ്യോഗസ്ഥനെ മർദ്ദിച്ചത്. എസ്.എച്ച്. ഒ സി.ജെ മാർട്ടിൻ, എസ്.ഐ ബിജുമോൻ, എസ് സി പി ഒ സ്വരാജ് തുടങ്ങിവർ ചേർന്നാണ് പ്രതികളെ പിടികൂടിയത്. കോടതിയിൽ ഹാജരാക്കിയ പ്രതികളെ റിമാൻഡ് ചെയ്തു.
