Connect with us

Hi, what are you looking for?

NEWS

കോട്ടപ്പടി സൗത്ത് സ്കൂളിന് 38.4 ലക്ഷം രൂപ അനുവദിച്ചു : ആൻ്റണി ജോൺ എം എൽ എ.

കോതമംഗലം : കോതമംഗലം മണ്ഡലത്തിൽ കോട്ടപ്പടി സൗത്ത് സർക്കാർ എൽ പി സ്കൂളിന്
പുതിയ കെട്ടിടം നിർമ്മിക്കുന്നതിന് മുപ്പത്തിയേഴ് ലക്ഷം രൂപയും,ഭിന്നശേഷി സൗഹൃദ ഹൈടെക് ടോയ്‌ലറ്റ് നിർമ്മാണത്തിന് ഒരു ലക്ഷത്തി നാൽപതിനായിരം രൂപയും ഉൾപ്പടെ മുപ്പത്തിയെട്ടുലക്ഷത്തി നാൽപതിനായിരം രൂപ അനുവദിച്ചതായി ആൻ്റണി ജോൺ എം എൽ എ അറിയിച്ചു.153 വർഷം പഴക്കമുള്ള ജില്ലയിലെ തന്നെ പുരാതന വിദ്യാലയങ്ങളിലൊന്നാണ് കോട്ടപ്പടി സൗത്ത് എൽ പി എസ്.പൊതു വിദ്യാഭ്യാസ സംരക്ഷണയജ്ഞ പ്രവർത്തനത്തിന്റെ ഭാഗമായി ഈ സ്കൂൾ അക്കാദമിക് രംഗത്തും കുട്ടികളുടെ പ്രവേശനത്തിലും വലിയ മുന്നേറ്റമാണ് നടത്തി കൊണ്ടിരിക്കുന്നത്.

സ്കൂളിൽ ഹൈടെക് ക്ലാസ്സുകൾ ഒരുക്കുന്നതിൻ്റെ ഭാഗമായി മണ്ഡലത്തിൽ നടപ്പിലാക്കി വരുന്ന “കൈറ്റ് ” വിദ്യാഭ്യാസ പദ്ധതിയുടെ ഭാഗമായി ലാപ്ടോപ്പ്,പ്രൊജക്ടർ,മൾട്ടി പർപ്പസ് പ്രിൻ്റർ വിത്ത് സ്കാനർ, മാഗ്നറ്റിക് വൈറ്റ് ബോർഡ്,സ്പീക്കർ തുടങ്ങിയ ഐ സി റ്റി ഉപകരണങ്ങൾ നേരത്തെ വിതരണം ചെയ്തിരുന്നു. സ്കൂളിൽ പ്രീ പ്രൈമറി,അംഗനവാടി ടീച്ചർമാർക്കും ആയമാർക്കും പരിശീലനം നല്കുന്ന ശാസ്ത്രീയ ലീഡ് പ്രീ സ്കൂൾ സംവിധാനം,ആധുനിക മൾട്ടി മീഡിയ ലാബ്,സ്മാർട്ട് ക്ലാസ് റൂം അടക്കമുള്ള സംവിധാനങ്ങളും പ്രവർത്തിച്ചുവരുന്നു.

അതോടൊപ്പം എൽ എസ് എസ് സ്കോളർഷിപ്പ്, വിദ്യാരംഗം,കലോത്സവം എന്നീ രംഗങ്ങളിലും സ്കൂളിലെ കുട്ടികൾ മികവു തെളിയിച്ച് വരുന്നു.ആധുനിക സംവിധാനങ്ങളോടെ പുതിയ കെട്ടിടത്തിൻ്റേയും, ഭിന്നശേഷി സൗഹൃദ ടോയ്ലറ്റിൻ്റേയും നിർമ്മാണം പൂർത്തിയാകുന്നതോടെ ഈ വിദ്യാലയം മികവിന്റെ കേന്ദ്രമായി മാറുമെന്നും,പ്രദേശവാസികളുടെ ദീർഘകാലത്തെ ആവശ്യമാണ് സഫലമാകുന്നതെന്നും എം എൽ എ അറിയിച്ചു.

You May Also Like

NEWS

കോതമംഗലം : കോട്ടപ്പടിയിൽ 12.14 കോടി രൂപ ചിലവഴിച്ച് 2 ഘട്ടങ്ങളിലായി നടപ്പിലാക്കിയ ഗ്രാമീണ ഭവന കുടിവെള്ള പദ്ധതിയുടെ ഉദ്ഘാടനം പഞ്ചായത്ത് ഓഫീസിന് സമീപം വച്ച് ജലവിഭവ വകുപ്പ് മന്ത്രി റോഷി അഗസ്റ്റിൻ...

NEWS

Lകോട്ടപ്പടി :  ഹൈ-ലെവൽ കനാലിൽ നാഗഞ്ചേരി ഭാഗത്ത്‌ കുളിക്കാനിറങ്ങിയ യുവാവ് മുങ്ങിമരിച്ചു. നാഗഞ്ചേരി ഭാഗത്ത്‌ താമസിക്കുന്ന അഖിലേഷ് (19) ആണ് മരിച്ചത്. ഇടുക്കി രാജാക്കാട് സ്വദേശിയായ അഖിലേഷ് പഠനസൗകര്യാർത്ഥം നാഗഞ്ചേരിയിലുള്ള മാതാവിന്റെ വീട്ടിലായിരുന്നു...

NEWS

കോതമംഗലം :കോതമംഗലം മണ്ഡലത്തിൽ പുതിയ മുൻഗണന കാർഡുകൾ വിതരണം ചെയ്തു. 240 മുൻഗണന കാർഡുകളുടെ വിതരണ ഉദ്ഘാടനം ആന്റണി ജോൺ എം എൽ എ നിർവഹിച്ചു .താലൂക്ക് കോൺഫറൻസ് ഹാളിൽ ചേർന്ന ചടങ്ങിൽ...

NEWS

കോതമംഗലം :പിണ്ടിമന ഹെൽത്ത് സെന്ററിന്റെ ഈവനിംഗ് ഒ പി വിഭാഗത്തിന്റെ ഉദ്ഘാടനം ആന്റണി ജോൺ എം എൽ എ നിർവ്വഹിച്ചു .പഞ്ചായത്ത് പ്രസിഡന്റ് ജസി സാജു അദ്ധ്യക്ഷയായി .വൈസ് പ്രസിഡന്റ് ജയ്സൺ ദാനിയൽ...