കോതമംഗലം: കോട്ടപ്പടി സെന്റ് ജോർജ് ഇംഗ്ലീഷ് മീഡിയം സ്കൂളിലെ റിട്ടയേർഡ് അധ്യാപികയും ചെറുകഥാകൃത്തും സാഹിത്യ ലോകത്ത് തനതായ വ്യക്തിമുദ്ര പതിപ്പിച്ച പൊന്നമ്മ എൻ സി ടീച്ചർ രചിച്ച ”വൈഷ്ണവി” എന്ന നോവൽ പ്രകാശനം ചെയ്തു. കോട്ടപ്പടി ക്ലബ്ബിൽ വച്ച് നടന്ന ചടങ്ങ് ആൻ്റണി ജോൺ എം എൽഎ ഉദ്ഘാടനം ചെയ്തു. സിനിമാ സഹ സംവിധായകനും തിരക്കഥാകൃത്തും ചെറുകഥ രചയിതാവുമായ ദേവദത്ത് ഷാജി പുസ്തക പ്രകാശനം നടത്തി.
പഞ്ചായത്ത് പ്രസിഡന്റ് മിനി ഗോപി,ബ്ലോക്ക് പഞ്ചായത്ത് മെമ്പർ ആഷ അജിൻ,പുരോഗമന കലാസാഹിത്യ സംഘം ഏരിയ പ്രസിഡന്റ് കെ എ ജോയി,കൽകുന്നേൽ മാർ ഗീവർഗീസ് സഹദാ പള്ളി വികാരി ഫാദർ ജോൺ കോമയിൽ,ഡോക്ടർ പി ജെ പൗലോസ്,പ്രൊഫസർ എ ജെ യോയാക്കി,എൻ ആർ രാജേഷ്,ബാബു ഇരുമല,ഗീതകം പബ്ലിക്കേഷൻ ഉടമ സ്റ്റീഫൻ സി കോട്ടക്കൽ,സണ്ണി കൊട്ടിശ്ശേരികുടി,കെ സുരേഷ്,ബിന്ദു ജിജി,അജിൻ എൽദോ മാത്യു,ഷിബിൻ മാത്യു തുടങ്ങി രാഷ്ട്രീയ സാമൂഹിക കലാരംഗത്തെ പ്രമുഖർ ചടങ്ങിൽ പങ്കെടുത്തു.
