പ്ലാമുടി – കണ്ണക്കട റോഡ് ഉദ്ഘാടനം ചെയ്തു. 

കോതമംഗലം : നിർമ്മാണം പൂർത്തീകരിച്ച കോട്ടപ്പടി പഞ്ചായത്തിലെ പ്ലാമുടി – കണ്ണക്കട  റോഡ് ആന്റണി ജോൺ എം എൽ എ ഉദ്ഘാടനം ചെയ്തു.എം എൽ എ യുടെ ആസ്തി വികസന ഫണ്ടിൽ നിന്നും 20 ലക്ഷം രൂപ ചെലവഴിച്ചു കൊണ്ടാണ് റോഡിൻ്റെ നവീകരണ പ്രവർത്തനങ്ങൾ പൂർത്തീകരിച്ചത്. പഞ്ചായത്ത് പ്രസിഡൻ്റ് മിനി ഗോപി അധ്യക്ഷത വഹിച്ചു. ഏറെ വർഷങ്ങളായുള്ള പ്രദേശവാസികളുടെ ഒരു ആവശ്യമാണ് ഇപ്പോൾ പൂർത്തീകരിക്കപ്പെട്ടിട്ടുള്ളതെന്ന് എം എൽ എ പറഞ്ഞു.

ചടങ്ങിൽ ജില്ലാ പഞ്ചായത്ത് മെമ്പർ റഷീദ സലീം,ബ്ലോക്ക് പഞ്ചായത്ത് മെമ്പർ ആശാ അജിൻ,പഞ്ചായത്ത് മെമ്പർമാരായ സാറാമ്മ ജോൺ,ജിജി സജീവ്,ശ്രീജ സന്തോഷ് എന്നിവർ പങ്കെടുത്തു.