കോതമംഗലം : ആഗോള സർവ്വമത തീർത്ഥാടന കേന്ദ്രമായ കോതമംഗലം മാർ തോമ ചെറിയ പള്ളിയിൽ കന്നി 20 പെരുന്നാളിന് വരുന്ന തീർത്ഥാടകർക്ക് നേർച്ചസദ്യയ്ക്കായി കലവറനിറയ്ക്കൽ നടത്തി. കാർഷിക മേഖലയായ കോതമംഗലത്തെയും പരിസര പ്രദേശങ്ങളിലേയും കർഷകർ സമർപ്പിച്ച ആദ്യഫല ശേഖരണവും കാർഷീക വിഭവസമാഹരണവും നടത്തി. പരിശുദ്ധ യൽദോ മാർ ബസേലിയോസ് ബാവായുടെ 339-ാം ഓർമ്മപ്പെരുന്നാളിൽ വരുന്ന തീർത്ഥാടകർ ആരും വിശന്നിരിക്കാൻ പാടില്ല എന്ന പള്ളിമാനേജിംഗ് കമ്മിറ്റിയുടെ തീരുമാനപ്രകാരം ഇടവകയിലെ 5 വാർഡുകളിലായി പ്രവർത്തിക്കുന്ന 28 കുടുംബയൂണിറ്റുകളുടെ നേതൃത്വത്തിലാണ് വിഭവസമാഹരണം നടത്തിയത്. കോതമംഗലം എം.എൽ.എ ആൻ്റണി ജോൺ കലവറനിറയ്ക്കൽ ഉദ്ഘാടനം ചെയ്തു.
മാർതോമ ചെറിയ പള്ളി വികാരി ഫാ. ജോസ് പരത്തുവയലിൽ ഫാ. ജോസ് തച്ചേത്കുടി, ഫാ. ഏലിയാസ് പൂമറ്റത്തിൽ, ഫാ. ബിജോ കാവാട്ട്, ഫാ. ബേസിൽ ഇട്ടിയാണിയ്ക്കൽ മതമൈത്രി സംരക്ഷണ സമിതി ചെയർമാൻ എ.ജി. ജോർജ്ജ് കൺവീനർ കെ.എ. നൗഷാദ് പള്ളി ട്രസ്റ്റിമാരായ ബേബി ആഞ്ഞിലിവേലിൽ ഏലിയാസ് കീരംപ്ലായിൽ സലിം ചെറിയാൻ മാലിൽ ബേബി പാറേക്കര ബിനോയി മണ്ണൻചേരിൽ എബി ചേലാട്ട് ഡോ. റോയി മാലിൽ മാനേജിംഗ് കമ്മിറ്റി അംഗങ്ങൾ ഭക്തസംഘടനാ പ്രവർത്തകർ എന്നിവർ നേതൃത്വം നൽകി. വൈകിട്ട് 6 മണിക്ക് സന്ധ്യാനമസ്കാരം ഉണ്ടായിരുന്നു…… ഒക്ടോബർ 1-ാം തീയതി ചൊവ്വാഴ്ച രാവിലെ 6.30 ന് പ്രഭാത നമസ്കാരം 7.15 ന് വി.അഞ്ചിന്മേൽ കുർബ്ബാന അഭി. മാത്യൂസ് മോർ അപ്രേം മെത്രാപ്പോലീത്തായുടെ .മുഖ്യകാർമ്മികത്വത്തിൽ. വൈകിട്ട് 5 മണിക്ക് വലിയ പള്ളിയിൽ നിന്നും പൊൻ വെള്ളി കുരിശുകൾ ആഘോഷമായി ചെറിയ പള്ളിയിലേക്ക് കൊണ്ടുവരുന്നു. 6 മണിക്ക് സന്ധ്യാ നമസ്ക്കാരം ഉണ്ടായിരിക്കും.
