കോതമംഗലം : കുട്ടമ്പുഴ കടുംബാരോഗ്യ കേന്ദ്രത്തിൽ കോവിഡ് / പോസ്റ്റ് കോവിഡ് / മിനി ഐ സി യു സൗകര്യവും ആരംഭിച്ചു.ഉദ്ഘാടനം ആന്റണി ജോൺ എം എൽ എ നിർവ്വഹിച്ചു.പഞ്ചായത്ത് പ്രസിഡന്റ് കാന്തി വെള്ളക്കയ്യൻ അധ്യക്ഷത വഹിച്ച ചടങ്ങിൽ ബ്ലോക്ക് പഞ്ചായത്ത് മെമ്പർ കെ കെ ഗോപി,പഞ്ചായത്ത് മെമ്പർ കെ എ സിബി,ഡെപ്യൂട്ടി ഡി എം ഒ ഡോക്ടർ വിവേക്,സെൻട്രൽ വെയർഹൗസിംഗ് കോർപ്പറേഷൻ ഡയറക്ടർ കെ വി പ്രദീപ് കുമാർ,സെൻട്രൽ വെയർഹൗസിംഗ് കോർപ്പറേഷൻ എക്സിക്യൂട്ടീവ് എഞ്ചിനീയർ ഷാജൻ ഭാസ്കർ,നാഷണൽ ഹെൽത്ത് മിഷൻ ഡിസ്ട്രിക്ട് പ്രോഗ്രാം മാനേജർ മനേഷ് ബി ആർ,മെഡിക്കൽ ഓഫീസർ ഡോക്ടർ അനൂപ് തുളസി എന്നിവർ സംസാരിച്ചു. ഹെൽത്ത് ഇൻസ്പെക്ടർ ഷിജു ടി കെ സ്വാഗതവും സ്റ്റാഫ് നേഴ്സ് ലിസി നന്ദിയും പറഞ്ഞു.പാരമോണിറ്റർ,സെന്റ്രൽ ഓക്സിജൻ സപ്ലെ സക്ഷൻ അപാരറ്റസ്,ഐ സി യു കോട്ട്,ഡ്രെസ്സിങ്ങ് ട്രോളി,വെർട്ടിക്കൽ സ്റ്റീമർ,ക്രാഷ് കാർട്ട്,ബയോ മെഡിക്കൽ വേസ്റ്റ് കളക്ഷൻ ഏരിയ,ബയോ മെഡിക്കൽ വേസ്റ്റ് മാനേജ്മെന്റ് ട്രോളി,ബക്കറ്റ് ക്ലീനിങ്ങ് സിസ്റ്റം,ഹാന്റ് ഡ്രയർ,ഡിജിറ്റൽ ബി പി മോണിറ്റർ,ടോർച്ച് സ്റ്റെറിലൈസർ,മോഡുലാർ റാക്ക് അടക്കമുള്ള സൗകര്യങ്ങളാണ് കോവിഡ് / പോസ്റ്റ് കോവിഡ് ചികിത്സാ സൗകര്യങ്ങളുടെ ഭാഗമായി ഇവിടെ ഒരുക്കിയിട്ടുള്ളത്.
പൊതു മേഖല സ്ഥാപനമായ സെന്റ്രൽ വെയർ ഹൗസിങ്ങ് കോർപറേഷന്റെ സാമൂഹ്യ പ്രതിബദ്ധത ഫണ്ടിൽ നിന്നുമാണ് ഇതിനാവശ്യമായ 10 ലക്ഷം രൂപ ലഭ്യമാക്കിയത്.ഒന്നാം പിണറായി സർക്കാരിന്റെ കാലത്ത് കുട്ടമ്പുഴ പ്രാഥമിക ആരോഗ്യ കേന്ദ്രം കുടുംബാരോഗ്യ കേന്ദ്രമായി ഉയർത്തിയതിനു ശേഷം ശേഷം ഇ – ഹെൽത്,ശ്വാസ ക്ലിനിക്,ആശ്വാസ ക്ലിനിക്, ഒഫ്താൽമോസ്കോപ്പ്,ജെറിയാട്ടിക്സ് ക്ലിനിക് അടക്കമുള്ള സൗകര്യങ്ങൾ നിലവിൽ ഇവിടെ ലഭിക്കുന്നുണ്ട്.എം എൽ എ ഫണ്ടിൽ നിന്നും 25 ലക്ഷം രൂപ ചെലവഴിച്ച് കൊണ്ടുള്ള നിർമ്മാണ പ്രവർത്തനങ്ങളും പൂർത്തീകരിച്ചിരുന്നു.ഇതിനു പുറമെയാണ് ഇപ്പോൾ കോവിഡ് / പോസ്റ്റ് കോവിഡ് ചികിത്സ സൗകര്യങ്ങൾ കൂടി ഒരുക്കിയിട്ടുള്ളത്.മിനി ഐ സി യു സംവിധാനത്തോട് കൂടിയാണ് ക്രമീകരിച്ചിട്ടുള്ളത്.
