കോതമംഗലം: വെളിയേൽച്ചാൽ സെൻ്റ് ജോസഫ് ഫൊറോന പള്ളിയുടെ ശിലാ സ്ഥാപന ശതാബ്ദി ആഘോഷിച്ചു.ശതാബ്ദി ആഘോഷത്തിൻ്റെ ഉദ്ഘാടനം ഡീൻ കുര്യാക്കോസ് എം പി നിർവ്വഹിച്ചു. മാർ ജോർജ് പുന്നക്കോട്ടിൽ അധ്യക്ഷത വഹിച്ച ചടങ്ങിൽ ശതാബ്ദി ചാരിറ്റി ഫണ്ടിൻ്റെ ഉദ്ഘാടനം ആൻ്റണി ജോൺ എം എൽ എ നിർവ്വഹിച്ചു. വെരി. റവ. മോൺ. ഫ്രാൻസീസ്‌ കീരംപാറ (വികാരി ജനറാൾ) ജൂബിലി ദമ്പതികളെ ആദരിച്ചു.
ചടങ്ങിൽ പഞ്ചായത്ത് പ്രസിഡൻ്റ് വി സി ചാക്കോ,ജില്ലാ പഞ്ചായത്ത് മെമ്പർ കെ കെ ദാനി,ബ്ലോക്ക് പഞ്ചായത്ത് മെമ്പർമാരായ ജോമി തെക്കേക്കര, ജെയിംസ് കോറമ്പേൽ,പഞ്ചായത്ത് മെമ്പർ മഞ്ജു സാബു,ഊന്നുകൽ ഫൊറോന പള്ളി വികാരി റവ.ഡോക്ടർ തോമസ് പോത്തനാമുഴി,പുന്നേക്കട് യാക്കോബായ പള്ളി വികാരി റവ. ഫാ. സജി അറമ്പൻകുടി,പ്രൊവിൻഷ്യൽ സുപ്പീരിയർ റവ. സിസ്റ്റർ മെർളിൻ എഫ് സി സി,ഇടവക പ്രതിനിധി ജോജി സ്കറിയ എന്നിവർ സംസാരിച്ചു. വികാരി റവ. ഡോക്ടർ തോമസ് ജെ പറയിടം സ്വാഗതവും കൈക്കാരൻ ജോയി എലിച്ചിറ കൃതജ്ഞതയും പറഞ്ഞു.
