അടിമാലി: പത്താംമൈല്‍ ഭാഗത്ത് അടിമാലി നര്‍ക്കോട്ടിക് എന്‍ഫോഴ്‌സ്‌മെന്റ് സ്‌ക്വാഡ് നടത്തിയ പരിശോധനയിലാണ് എറണാകുളം ജില്ലയില്‍ കോതമംഗലം താലൂക്കില്‍ എരമല്ലൂര്‍ വില്ലേജില്‍ എരമല്ലൂര്‍ കരയില്‍ മങ്ങാട്ട് വീട്ടില്‍ കുഞ്ഞു ബാവ മകന്‍ അബ്ബാസ് M K (52/2025) എന്നയാള്‍ പിടിയിലായത്. ടിയാന്റെ KL 25 G 2921 മാരുതി സ്വിഫ്റ്റ് കാറില്‍ കടത്തി കൊണ്ട് വന്ന 6.590 കിലോ ഗ്രാം കഞ്ചാവും ടി വാഹനവും എക്സൈസ് കസ്റ്റഡിയില്‍ എടുത്തു.
ടിയാന്‍ അടിമാലി മൂന്നാര്‍ റൂട്ടില്‍ പ്രൈവറ്റ് ബസ്സില്‍ ചെക്കര്‍ ജോലി ചെയ്ത് വരുന്നയാളാണ്. ടിയാന്‍ ഒഡീഷയില്‍ നേരിട്ട് പോയി കഞ്ചാവ് വാങ്ങി അടിമാലി മേഖലയില്‍ വില്‍പ്പന നടത്തുന്നതിനായി കൊണ്ടുവരും വഴിയാണ് ടിയാന്‍ എക്സൈസ് പിടിയിലാകുന്നത്.
എക്സൈസ് ഇന്‍സ്‌പെക്ടര്‍ രാഹുല്‍ ശശി , അസിസ്റ്റന്റ് എക്സൈസ് ഇന്‍സ്‌പെക്ടര്‍ ഗ്രേഡുമാരായ ദിലീപ് N K, ബിജു മാത്യു പ്രിവന്റീവ് ഓഫീസര്‍ ഗ്രേഡ് നെല്‍സന്‍ മാത്യു സിവില്‍ എക്സൈസ് ഓഫീസര്‍മാരായ അബ്ദുള്‍ ലത്തീഫ്, യദുവംശരാജ്, മുഹമ്മദ് ഷാന്‍, സുബിന്‍ പി വര്‍ഗ്ഗീസ്, അലി അഷ്‌കര്‍ സിവില്‍ എക്സൈസ് ഓഫീസര്‍ ഡ്രൈവര്‍ നിതിന്‍ ജോണി എന്നിവര്‍ ചേര്‍ന്ന സംഘമാണ് ഇയാളെ അറസ്റ്റ് ചെയ്തത്
