കോതമംഗലം : കോതമംഗലത്ത് ഓണ വിപണികൾ ആരംഭിച്ചു.പന്ത്രണ്ട് വിപണികളാണ് ഈ ഓണത്തിന് പ്രവർത്തനമാരംഭിച്ചത്.മുനിസിപ്പാലിറ്റിയിൽ ചെറിയ പള്ളിത്താഴത്തു നടത്തുന്ന ഓണ വിപണിയുടെ ഉദ്ഘാടനം ആൻ്റണി ജോൺ എം എൽ എ നിർവ്വഹിച്ചു.വൈസ് ചെയർ പേഴ്സൺ സിന്ധു ഗണേശൻ അദ്ധ്യക്ഷത വഹിച്ചു.സംസ്ഥാനത്തൊട്ടാകെ 2010 ഓണ വിപണികളാണ് ഈ വർഷത്തെ ഓണത്തിനായി ഒരുങ്ങിയത്.കർഷകരുടെ ഉൽപ്പന്നങ്ങൾ പത്തു ശതമാനം വില അധികം നൽകിയാണ് സംഭരിക്കുന്നത്.കൂടാതെ ഹോർട്ടികോർപ്പു വഴിയുള്ള പച്ചക്കറികളും,വട്ടവടയിലെ ശീതകാല പച്ചക്കറികളും എത്തിച്ചിട്ടുണ്ട്.
പൊതു ജനങ്ങൾക്ക് മിതമായ വിലയിൽ ഓണക്കാലത്ത് ഉൽപ്പന്നങ്ങൾ ലഭ്യമാകുന്ന ഈ സംവിധാനം കർഷകരും ഉപഭോക്താക്കളും പരമാവധി പ്രയോജനപ്പെടുത്തണമെന്ന് എം എൽ എ അറിയിച്ചു.ചടങ്ങിൽ കൃഷി ഫീൽഡ് ഓഫീസർ ഇ പി സാജു സ്വാഗതം പറഞ്ഞു.കൃഷി അസിസ്റ്റൻ്റ് ഡയറക്ടർ വി പി സിന്ധു പദ്ധതി വിശദീകരിച്ചു.വാർഡ് കൗൺസിലർമാരായ അഡ്വ.ജോസ് വർഗീസ്,ഭാനുമതി രാജു,ഷിബു കുര്യാക്കോസ്,മാർ ബേസിൽ സ്ക്കൂൾ എൻ എസ് എസ് കോ – ഓഡിനേറ്റർ ലിറ്റി മത്തായി,കൃഷി ഉദ്യോഗസ്ഥരായ സുനിൽ എം എസ്,രഞ്ജിത് തോമസ്,ദീപ്തി കെ തുടങ്ങിയവർ ചടങ്ങിൽ പങ്കെടുത്തു.
