കോതമംഗലം : കോതമംഗലം മണ്ഡലത്തിലെ മാതിരപ്പിള്ളി ഗവ. വൊക്കേഷണൽ ഹയർ സെക്കന്ററി സ്കൂളിലെ പുതിയ സ്കൂൾ മന്ദിരം മുഖ്യമന്ത്രി പിണറായി വിജയൻ നാടിനു സമർപ്പിച്ചു. ചടങ്ങിൽ ആന്റണി ജോൺ എം എൽ എ ശിലാഫലകം അനാഛാദനം ചെയ്തു.
അഡ്വ. ഡീൻ കുര്യാക്കോസ് എം പി മുഖ്യപ്രഭാഷണം നടത്തി. മുൻസിപ്പൽ വൈസ് ചെയർപേഴ്സൺ സിന്ധു ഗണേശൻ,മുൻസിപ്പൽ കൗൺസിലർമാരായ കെ എ നൗഷാദ്,കെ വി തോമസ്,സിജോ വർഗീസ്,പ്രവീണ ഹരീഷ്,വി എച്ച് എസ് ഇ ടെക്നിക്കൽ ഡെപ്യൂട്ടി ഡയറക്ടർ ലിജി ജോസഫ്,എഫ് ഐ റ്റി ചെയർമാൻ ആർ അനിൽകുമാർ,വിവിധ രാഷ്ട്രീയ പാർട്ടി നേതാക്കളായ കെ എ ജോയ്,സി പി എസ് ബാലൻ,എം എസ് എൽദോസ്,ജയകുമാർ വെട്ടിക്കാടൻ,പി ഡബ്ല്യു ഡി ബിൽഡിങ്ങ്സ് അസിസ്റ്റന്റ് എൻജിനീയർ ആൻഡ്രൂ ഫെർണാൻസ് ടോം,എ ഇ ഒ മനു എ സി,പ്രിൻസിപ്പൽ രൂപ നായർ,പി ടി എ പ്രസിഡന്റ് ടി എസ് റെജി,വൈസ് പ്രസിഡന്റ് എം എം മുജീബ്,എസ് എം സി ചെയർമാൻ സി വി ജോസ്,വൈസ് ചെയർമാൻ പി കെ മോഹനൻ പിള്ള,എം പി ടി എ പ്രസിഡന്റ് ദീപ ഷാജു,എസ് എം സി അംഗങ്ങളായ എ പി പരമേശ്വരൻ നായർ,ബൈജു ജേക്കബ് എന്നിവർ ചടങ്ങിൽ സംസാരിച്ചു.
മാതിരപ്പിള്ളി സ്കൂളിൽ 1 കോടി 50 ലക്ഷം രൂപയുടെ നിർമ്മാണ പ്രവർത്തനങ്ങളാണ് പൂർത്തീകരിച്ചത്. ഒന്നാം പിണറായി സർക്കാരാണ് സ്കൂളിന്റെ വികസന പ്രവർത്തനങ്ങൾക്കാവശ്യമായ തുക അനുവദിച്ചത്. 1912 ൽ ആരംഭിച്ച മാതിരപ്പിള്ളി ഗവ. സ്കൂളിൽ 1984 ൽ ആണ് വി എച്ച് എസ് സി ആരംഭിച്ചത്.ഇവിടെ ഹൈസ്കൂൾ – ഹയർ സെക്കന്ററി വിഭാഗത്തിലായി 500 ഓളം കുട്ടികൾ പഠിക്കുന്നുണ്ട്. മണ്ഡലത്തിലെ ഏറ്റവും പഴക്കം ചെന്ന സ്കൂളുകളിൽ ഒന്നായ മാതിരപ്പിള്ളി സ്കൂളിൽ 1 കോടി 50 ലക്ഷം രൂപയുടെ നിർമ്മാണ പ്രവർത്തനങ്ങളാണ് പൂർത്തീകരിച്ചത്. ഇതിന്റെ ഭാഗമായി മൂന്ന് നിലകളിലായി പുതുതായി 6 ക്ലാസ്സ് റൂമുകൾ,മൂന്ന് ലാബുകൾ,പുതിയ ഓഫീസ് – സ്റ്റാഫ് റൂമുകൾ അടക്കമുള്ള നിർമ്മാണ പ്രവർത്തനങ്ങൾ പൂർത്തീകരിച്ചു.സ്കൂളിന്റെ ചരിത്രത്തിലെ ഏറ്റവും വലിയ വികസന പ്രവർത്തനങ്ങളാണ് ഇപ്പോൾ സാധ്യമായിട്ടുള്ളതെന്നും എം എൽ എ പറഞ്ഞു.
