കുടുബാരോഗ്യകേന്ദ്രത്തിന്‍റെ പ്രവര്‍ത്തനം കാര്യക്ഷമമാക്കാത്തതില്‍ പ്രതിഷേധിച്ച് യുഡിഎഫ് ധര്‍ണ്ണ.

കോതമംഗലം : കീരംപാറ ഗ്രാമ പഞ്ചായത്ത് LDF ഭരണ സമിതിക്കെതിരെ UDF കീരംപാറ മണ്ഡലം കമ്മിറ്റിയുടെ നേതൃത്വത്തിൽപഞ്ചായത്ത് ഓഫീസിന് മുന്നിൽ പ്രതിക്ഷേധ സമരം നടത്തി. കുടിവെള്ള പദ്ധതി കഴിഞ്ഞ തവണ UDF ഭരണ സമിതി അട്ടിമറിച്ചു എന്നാരോപിച്ച് അധികാരത്തിൽ വന്നവർ ഇതുവരെ ഈ പദ്ധതിക്കായി ചെറുവിരൽ അനക്കിയിട്ടില്ല. പുന്നേക്കാട് പ്രാഥമികാരോഗ്യകേന്ദ്രം കുടുംബാരോഗ്യ കേന്ദ്രമായി നിയമസഭാ തിരഞ്ഞെടുപ്പിന് മുൻമ്പ് പ്രഖ്യാപിച്ചെങ്കിലും ഒരു വർഷമായി ഇതുവരെ ഒരു മാറ്റവുമില്ല തുടങ്ങി നിരവധി പ്രശ്നങ്ങൾ ഉന്നയിച്ചാണ് പ്രതിക്ഷേധ സമരം നടത്തിയത്.

UDF കീരംപാറ മണ്ഡലം ചെയർമാൻ ശ്രീ.ബിനോയി മഞ്ഞുമ്മേക്കുടിയിൽ അദ്ധ്യക്ഷത വഹിച്ച സമരത്തിൽ UDF ജില്ലാ കൺവീനർ ശ്രീ : ഷിബു തെക്കുംപുറം ഉദ്ഘാടനം നിർവ്വഹിച്ച് സംസാരിച്ചു. UDF നേതാക്കളായ ശ്രീ. ജോമി തെക്കേക്കര . ശ്രീ.C J എൽദോസ് , ശ്രീ. ജോജി സ്കറിയ, ശ്രീ മാമച്ചൻ ജോസഫ് ,ശ്രീ. A P എൽദോസ് , ശ്രീ. ഗോപി മുട്ടത്ത് തുടങ്ങിയർ ആശംസകൾ അർപ്പിച്ച് പ്രസംഗിച്ചു. UDF ബ്ലോക്ക് / മണ്ഡലം ഭാരവാഹികൾ പ്രവർത്തകർ ജനപ്രതിനിധികൾ തുടങ്ങിയവർ പ്രതിക്ഷേധ സമരത്തിൽ പങ്കെടുത്തു.