യു.എ.ഇ. : 40 വർഷകാലം അബുദാബിയിൽ എത്തിസലാത്തിൽ സേവനമനുഷ്ഠിച്ച ശ്രീ. ഹസ്സൻ കനി തോട്ടത്തികുളത്തിലിന് കോതമംഗലം-മുവാറ്റുപുഴ പ്രവാസികളുടെ കൂട്ടായ്മയായ ആശ്രയം യു.എ.ഇ. യാത്രയയപ്പ് നൽകി. കോതമംഗലം മുൻ എം.എൽ.എ. ശ്രീ ടി.എം. മീതീയന്റെ മകനാണ്. ആശ്രയം യു.എ.ഇ. (അബുദാബി) യുടെ ദീർഘകാലത്തെ പ്രസിഡന്റ് ആയിരുന്നു. ദുബായിലെ അൽ ഫറാ റെസ്റ്റോറന്റിൽ ആശ്രയം യു.എ.ഇ. പ്രസിഡന്റ് ശ്രീ. റഷീദ് കോട്ടയിലിന്റെ അധ്യക്ഷതയിൽ നടന്ന ചടങ്ങിൽ ഫൈൻ ഫെയർ ഗ്രൂപ്പ് എം.ഡി. ശ്രീ. ഇസ്മായിൽ റാവുത്തർ യോഗം ഉൽഘാടനം ചെയ്യുകയും ശ്രീ. ഹസ്സൻ കനിയെ പൊന്നാട അണിയിക്കുകയും ചെയ്തു .
ആശ്രയം യു.എ.യുടെ മൊമെന്റോ ബിൻ അലി ഗ്രൂപ്പ് എം.ഡി. ശ്രീ. ഉമർ അലി സമ്മാനിച്ചു. ആശ്രയം യു.എ.ഇ. ജനറൽ സെക്രട്ടറി ശ്രീ. സുനിൽ പോൾ സ്വാഗതവും, ശ്രീ. അനുര മത്തായി, ശ്രീ സതീഷ്, Dr. അബ്ദുൽ അസ്സീസ്, ശ്രീ. ദീപു തങ്കപ്പൻ, ശ്രീ. അജാസ് അപ്പാടത്ത് എന്നിവർ ആശംസകളും ശ്രീ. ജിമ്മി കുര്യൻ നന്ദിയും രേഖപ്പെടുത്തി.
