കോതമംഗലം : കവളങ്ങാട് ഗ്രാമ പഞ്ചായത്ത് മൂന്നാം വാർഡിൽ നവീകരിച്ച ഏഴാം നമ്പർ അംഗൻവാടി ഉദ്ഘാടനം ചെയ്തു.ഗ്രാമ പഞ്ചായത്ത് പ്രസിഡന്റ് സൈജന്റ് ചാക്കോ അധ്യക്ഷത വഹിച്ച ചടങ്ങിൽ ആന്റണി ജോൺ എം എൽ എ അംഗനവാടിയുടെ ഉദ്ഘാടനം നിർവ്വഹിച്ചു. ചടങ്ങിൽ ബ്ലോക്ക് പഞ്ചായത്ത് പ്രസിഡന്റ് പി എ എം ബഷീർ,സി ഡി പി ഓ പിങ്കി കെ അഗസ്റ്റിൻ,ഗ്രാമപഞ്ചായത്ത് വൈസ് പ്രസിഡന്റ് ജിൻസിയ ബിജു,ആരോഗ്യ വിദ്യാഭ്യാസ സ്റ്റാൻഡിങ്ങ് കമ്മിറ്റി ചെയർമാൻ ഷിബു പടപ്പറമ്പത്ത്,ഉഷ വി ആർ,ബിന്ദു എ എസ്,സുമിയ്യ സിജോ,എ എം ഇബ്രാഹിം, അജാസ് നാസർ എന്നിവർ പങ്കെടുത്തു.വാർഡ്‌ മെമ്പർ റ്റി എച്ച് നൗഷാദ് സ്വാഗതവും അംഗനവാടി വർക്കർ സോഫിയ എം എ നന്ദിയും പറഞ്ഞു.
