കോതമംഗലം : കോതമംഗലം നിയോജക മണ്ഡലത്തിലെ പൊതുമരാമത്ത് വകുപ്പിലെ വിവിധ പ്രവർത്തികളുടെ പുരോഗതി വിലയിരുത്തുന്നതിനായി ഡിസ്ട്രിക്ട് ഇൻഫ്രാ സ്ട്രക്‌ച്ചർ കോ – ഓർഡിനേഷൻ കമ്മിറ്റിയുടെ അവലോകന യോഗം ആന്റണി ജോൺ എം എൽ എ യുടെ അധ്യക്ഷതയിൽ പി ഡബ്ല്യൂ ഡി റസ്റ്റ് ഹൗസിൽ ചേർന്നു.നോഡൽ ഓഫീസർ എൻ എച്ച് എക്സിക്യൂട്ടീവ് എഞ്ചിനീയർ ദീപ റ്റി,പി ഡബ്ല്യൂ ഡി അസിസ്റ്റൻ്റ് എക്സിക്യൂട്ടീവ് എഞ്ചിനീയർ ഷാജീവ്‌ എസ്,എൻ എച്ച് അസിസ്റ്റൻ്റ് എക്സിക്യൂട്ടീവ് എഞ്ചിനീയർ ഗിരിജ എൻ പി,ബിൽഡിംഗ്സ് അസിസ്റ്റന്റ് എക്സിക്യൂട്ടീവ് എഞ്ചിനീയർ കെ സന്തോഷ് കുമാർ,കെ ആർ എഫ് ബി അസിസ്റ്റൻ്റ് എക്സിക്യൂട്ടീവ് എഞ്ചിനീയർ ലക്ഷ്മി എസ് ദേവി,പി ഡബ്ല്യൂ ഡി അസിസ്റ്റൻ്റ് എഞ്ചിനീയർ കെ പ്രിൻസ് വർഗീസ്,എൻ എച്ച് അസിസ്റ്റൻ്റ് എഞ്ചിനീയർ ടൈറ്റസ് എ എക്സ്,പി ഡബ്ല്യൂഡി ബിൽഡിങ്ങ്സ് ഓവർസിയർ ആശമോൾ എം കെ,കെ ആർ എഫ് ബി അസിസ്റ്റൻ്റ് എഞ്ചിനീയർ ടെസ്സി തോമസ്,ബ്രിഡ്ജസ് ഓവർസിയർ മഞ്ചുള കെ ആർ എന്നിവർ അവലോകന യോഗത്തിൽ പങ്കെടുത്തു.
പൊതുമരാമത്ത് വകുപ്പിൻ്റെ കീഴിൽ വരുന്ന വിവിധ പ്രവർത്തികളെ സംബന്ധിച്ച് യോഗം ചർച്ച ചെയ്തു. നിലവിൽ നടന്നുകൊണ്ടിരിക്കുന്ന വർക്കുകൾ സമയബന്ധിതമായി പൂർത്തീകരിക്കുന്നതിനും ടെണ്ടർ നടപടികളും മറ്റ് സാങ്കേതിക നടപടികളും പൂർത്തീകരിക്കാനുള്ള വർക്കുകളുടെ അത്തരം പ്രവർത്തനങ്ങൾ വേഗത്തിലാക്കുന്നതിനും യോഗത്തിൽ തീരുമാനിച്ചു.
