കോതമംഗലം:- ആഗോള തീർത്ഥാടന കേന്ദ്രമായ കോതമംഗലം ചെറിയപള്ളി സംരക്ഷണ മതമൈത്രി സമിതി നടത്തിവരുന്ന സമരത്തിന്‍റെ 91-)o ദിന സമ്മേളനം മുൻസിപ്പൽ കൗൺസിൽ ശ്രീമതി ലിസി പോൾ ഉദ്ഘാടനം ചെയ്തു. കോതമംഗലം ദേശത്ത് നിലനിൽക്കുന്ന സമാധാനം തകർക്കരുത്, പ്രശ്നം പരിഹരിക്കാൻ കോടതി മധ്യസ്ഥത വഹിക്കുക എന്നീ ആവശ്യങ്ങൾ ഉന്നയിച്ച് പൊതുസമൂഹം ചടങ്ങില്‍ ആവശ്യപ്പെട്ടു. ചടങ്ങില്‍ എം എസ് ബെന്നി (മുൻ മെമ്പർ വാരപ്പെട്ടി പഞ്ചായത്ത്) അധ്യക്ഷത വഹിച്ചു. സ്വാഗതം ശ്രീ ജോർജ് എടപ്പാറ (റെഡ് ക്രോസ് കോതമംഗലം), കെ കെ ചാണ്ടി പ്രഭാഷണം നടത്തി. കറുകപ്പിള്ളി നന്ദി പറഞ്ഞു. ബേസിൽ മാറാച്ചേരി, കെ ഐ ജേക്കബ് കാട്ടുചിറയിൽ, സാജൻ കുന്നശ്ശേരി,ഷാബു കാട്ടുചിറ, ജോർജ്ജ് തുടുമേൽ, റ്റിജോ ആര്യപ്പിള്ളി, ജോൺ വടക്കേച്ചാലിൽ, എൽദോസ് പാലക്കാടൻ എന്നിവർ പ്രസംഗിച്ചു. മറ്റു പള്ളികളിലെ വിശ്വാസികളും നാനാജാതി മതസ്ഥരായ നൂറുകണക്കിന് വിശ്വാസികളും പങ്കെടുത്തു.
You must be logged in to post a comment Login